ઉમેશ યાદવ સાથે થઇ છેતરપિંડી, મિત્રએ હડપી લીધા 44 લાખ, પોલીસ સામે છલકાયુ ક્રિકેટરનુ દર્દ
પોતાની બોલિંગથી ભારતને બાંગ્લાદેશ સામેની ટેસ્ટ શ્રેણી જીતાડનાર ઉમેશ યાદવ સાથે છેતરપિંડીનો મામલો સામે આવ્યો છે.
ભારતીય ઝડપી બોલર ઉમેશ યાદવ ભારત માટે ટેસ્ટ મેચોમાં મહત્વની ભૂમિકા ભજવે છે. તે ટેસ્ટ મેચોમાં નવા બોલ સાથે શાનદાર બોલિંગ કરવા માટે જાણીતો છે. ઉમેશ યાદવે મહેંદી હસન મિરાજની બોલિંગ પર 100 મીટર લાંબી સિક્સ ફટકારીને બાંગ્લાદેશ સામે હેડલાઇન્સ બનાવી હતી. પરંતુ હાલમાં તે અન્ય કારણોસર ચર્ચામાં રહે છે.
ઉમેશ યાદવ સાથે મિત્રએ કરી છેતરપિંડી
જમીનના વેચાણ અને ખરીદીમાં છેતરપિંડીના કિસ્સાઓ અવારનવાર સામે આવે છે. ઉમેશ યાદવ સાથે છેતરપિંડીનો મામલો સામે આવ્યો છે. મહારાષ્ટ્રના નાગપુરમાં ભારતીય ફાસ્ટ બોલરને તેના જ મિત્ર દ્વારા પ્રોપર્ટી ખરીદવાના નામે છેતરપિંડી કરવામાં આવી છે. પ્રોપર્ટી ખરીદવામાં છેતરપિંડીનો ભોગ બન્યા બાદ ઉમેશ યાદવે આ અંગે પોલીસને જાણ કરી હતી.
ઉમેશ યાદવ સાથે 44 લાખની છેતરપિંડી
ઉમેશ યાદવે કોરાડી પોલીસ સ્ટેશનમાં તેમની સાથે છેતરપિંડીની ફરિયાદ નોંધાવી છે. ફરિયાદમાં જણાવવામાં આવ્યું છે કે ઉમેશ યાદવે તેના મિત્ર શૈલેષ દત્તા ઠાકરેને તેની આર્થિક સંભાળ રાખવા માટે રાખ્યો હતો. શૈલેષ દત્તા ઠાકરેએ ઉમેશ યાદવ પાસેથી મિલકત ખરીદવાના બહાને યાદવ સાથે 44 લાખ રૂપિયાની છેતરપિંડી કરી હતી. શૈલેષ ઠાકરે વિરુદ્ધ આઈપીસીની કલમ 406, 420 હેઠળ કેસ નોંધવામાં આવ્યો છે. પોલીસ આરોપીને શોધી રહી છે.
IPLમાં દેખાશે ઉમેશ યાદવ
ઉમેશ યાદવ ભારત માટે માત્ર ટેસ્ટ ક્રિકેટ રમતા જોવા મળે છે. આ વર્ષે તે KKR માટે IPLમાં ચમકતો જોવા મળશે. ઉમેશ યાદવને કેકેઆર ટીમે ગયા વર્ષે મેગા ઓક્શનમાં એક કરોડની બેઝ પ્રાઈસમાં ખરીદ્યો હતો. તેણે આઈપીએલમાં પોતાની બોલિંગથી ઘણો પ્રભાવિત કર્યો હતો. આ પ્રદર્શનના આધારે જ ઉમેશ યાદવ ગત વર્ષે ઓસ્ટ્રેલિયા સામેની T20 શ્રેણીમાં લગભગ સાડા ત્રણ વર્ષ બાદ ટીમમાં પરત ફર્યો હતો. પરંતુ આ સિરીઝમાં તે કંઈ ખાસ કરી શક્યો નહોતો.
Click it and Unblock the Notifications
Sign in with Google
