Video : જલ્દી ભારત માટે રમતો જોવા મળી શકે છે રાહુલ દ્રવિડનો પુત્ર, ધમાકેદાર સિક્સર વાયરલ
ભારતને વર્લ્ડ કપ જીતાડનારા પુર્વ કોચ અને બેટ્સમેન રાહુલ દ્રવિડનો દિકરો પણ તેના રસ્તે ચાલી રહ્યો છે. હવે તેનો એક શાનદાર સિક્સરનો વીડિયો વાયરલ થઈ રહ્યો છે.
પૂર્વ ભારતીય બેટ્સમેન અને કોચ રાહુલ દ્રવિડના પુત્ર સમિતને ગયા મહિને મહારાજા ટ્રોફી KSCA T20 ટૂર્નામેન્ટ માટે મૈસુર વોરિયર્સની ટીમમાં સામેલ કરવામાં આવ્યો છે.
અહીં તેણે આ સપ્તાહની શરૂઆતમાં ટીમ માટે ડેબ્યૂ કર્યું છે. હવે બેંગલુરુ બ્લાસ્ટર્સ સામેની મેચ દરમિયાન તેના એક શોટનો વીડિયો વાયરલ થઈ રહ્યો છે, જેને ફેન્સ ખુબજ પસંદ કરી રહ્યાં છે.
સમિતને ટૂર્નામેન્ટમાં અપેક્ષિત શરૂઆત ન મળી અને તે તેની પ્રથમ બે મેચમાં સિંગલ ડિજિટના સ્કોર પર આઉટ થઈ ગયો. જો કે બેંગલુરુ બ્લાસ્ટર્સ સામેની મેચ દરમિયાન સમિતે બેટથી શાનદાર સ્વિંગ લઈને અને લાંબી હિટથી ફેન્સને પ્રભાવિત કર્યા છે.
Rahul Dravid's son 🔥
— Abhishek (@dksunnyfan) August 16, 2024
pic.twitter.com/kivN6xoyF5
ચોથા નંબર પર બેટિંગ કરતા સમિતે સાધારણ પ્રદર્શન કર્યું અને તેની ટીમના કુલ સ્કોરમાં માત્ર સાત રનનું યોગદાન આપ્યું. વરસાદને કારણે મેચમાં વિક્ષેપ પડ્યો હતો અને સમિતની ટીમ ચાર વિકેટથી હારી ગઈ. જો કે, મેચ દરમિયાન સમિતની સિક્સર સોશિયલ મીડિયા પર વાયરલ થઈ રહી છે.
આશાસ્પદ યુવા ઓલરાઉન્ડર સમિતે 2023-24 કૂચ બિહાર ટ્રોફીમાં તેના પ્રદર્શનથી ધ્યાન ખેંચ્યું છે. મિડલ ઓર્ડરમાં બેટિંગ કરીને તેણે આઠ મેચમાં 362 રન ફટકારીને કર્ણાટકના ટાઇટલ-વિજેતા અભિયાનમાં મહત્વપૂર્ણ યોગદાન આપ્યું.
Click it and Unblock the Notifications
Sign in with Google
