World Cup 2023 Indian Squad : અક્ષર પટેલનું સપનું ચકનાચુર, આ ખેલાડીને વર્લ્ડ કપ ટીમમાં શામેલ

World Cup 2023 Indian Squad : થોડા દિવસોમાં વર્લ્ડ કપ શરૂ થવા જઇ રહ્યો છે, જેના માટે ભારતીય અનુભવી ઓફ સ્પિનર​ રવિચંદ્રન અશ્વિનને આગામી ODI વર્લ્ડ કપ-2023 માટે ભારતીય ટીમમાં સામેલ કરવામાં આવ્યો છે.

ઇજાગ્રસ્ત અક્ષર પટેલના સ્થાન પર આર અશ્વિનને 15 સભ્યોની ટીમમાં તક મળી હતી. ભારતીય ક્રિકેટ કંટ્રોલ બોર્ડ (BCCI) દ્વારા ગુરુવારના રોજ આ મોટી જાહેરાત કરવામાં આવી હતી.

અક્ષર પટેલનું તૂટ્યુ સપનું - ઈજાગ્રસ્ત અક્ષર પટેલના સ્થાને 37 વર્ષીય અશ્વિનની પસંદગી કરવામાં આવી છે. તે તેના ડાબા ક્વાડ્રિસેપ્સની ઈજામાંથી બહાર આવી શક્યો નથી. 15 સપ્ટેમ્બરના રોજ બાંગ્લાદેશ સામેની એશિયા કપ-2023ની મેચમાં અક્ષર પટેલ ઈજાગ્રસ્ત થયો હતો.

આ સાથે અક્ષર પટેલનું વનડે વર્લ્ડ કપ રમવાનું સપનું પણ ચકનાચૂર થઈ ગયું હતું. અશ્વિન પહેલાથી જ ટીમ સાથે ગુવાહાટી ગયો છે, જ્યાં 30 સપ્ટેમ્બરના રોજ પ્રેક્ટિસ મેચમાં તેનો સામનો ઈંગ્લેન્ડ સામે થશે.

ઓસ્ટ્રેલિયા શ્રેણીમાં શાનદાર પ્રદર્શન કર્યું - અશ્વિનને ઓસ્ટ્રેલિયા સામેની 3 મેચની ODI શ્રેણીમાં તક મળી હતી, જેમાં તેણે જોરદાર પ્રદર્શન કર્યું હતું. તેણે ઈન્દોરમાં રમાયેલી શ્રેણીની બીજી વનડેમાં 3 વિકેટ ઝડપી હતી.

અશ્વિને મોહાલીમાં 1 વિકેટ પણ લીધી હતી. આ રીતે તેણે શ્રેણીમાં 2 મેચ રમી અને 4 વિકેટ લીધી હતી. ઉલ્લેખનીય છે કે, અશ્વિન લગભગ 20 મહિના બાદ આ ફોર્મેટમાં પાછો ફર્યો હતો, અને હવે તેને વર્લ્ડ કપની ટિકિટ મળી ગઈ છે.

અશ્વિન પાસે ઘણો અનુભવ છે - અશ્વિનને 115 વન-ડે ઈન્ટરનેશનલ મેચ રમવાનો અનુભવ છે. તેણે આ ફોર્મેટમાં આંતરરાષ્ટ્રીય સ્તરે 155 વિકેટ લીધી છે. તેણે ટેસ્ટમાં 94 મેચમાં 489 વિકેટ લીધી છે. આ સિવાય તેણે 65 T20 ઈન્ટરનેશનલ મેચમાં 72 વિકેટ લીધી છે.

12 વર્ષ પછી મોટી તક - ભારતીય ટીમ પાસે 12 વર્ષ બાદ ODI વર્લ્ડ કપ જીતવાની મોટી તક છે. ટીમ ઈન્ડિયાએ 2011માં તેની યજમાનીમાં ODIમાં વર્લ્ડ ચેમ્પિયન બનવાનું ગૌરવ પ્રાપ્ત કર્યું હતું. આ વખતે પણ ભારત વર્લ્ડ કપની યજમાની કરી રહ્યું છે. રોહિત શર્મા ICC ટૂર્નામેન્ટમાં ટીમનું નેતૃત્વ કરશે.

ભારતની અપડેટેડ અને ફાઇનલ વર્લ્ડ કપ ટીમ - રોહિત શર્મા (કેપ્ટન), શુભમન ગિલ, વિરાટ કોહલી, શ્રેયસ ઐયર, કેએલ રાહુલ (વિકેટમેન), ઈશાન કિશન (વિકેટમેન), સૂર્યકુમાર યાદવ, હાર્દિક પંડ્યા (વાઈસ-કેપ્ટન), રવિન્દ્ર જાડેજા, કુલદીપ યાદવ, શાર્દુલ ઠાકુર, જસપ્રિત બુમરાહ, મોહમ્મદ શમી, મોહમ્મદ સિરાજ અને રવિચંદ્રન અશ્વિન

English summary

World Cup 2023 Indian Squad : Akshar Patel's dream shattered, ravichandran ashwin included in the World Cup team