ભારતનો સૌથી મોટો પોલિટિકલ પોલ, શુ તમે ભાગ લીધો?
  • search

પાકિસ્તાન સામેની મેચ ભારત માટે કરો યા મરો સમાન

Subscribe to Oneindia News
For Quick Alerts
ALLOW NOTIFICATIONS
For Daily Alerts
    Mahendra singh Dhoni
    કોલંબો, 30 સપ્ટેમ્બરઃ સુપર-8 મુકાબલાની પ્રથમ મેચ ઓસ્ટ્રેલિયા સામે નવ વિકેટે હારી ગયા બાદ રવિવારે ભારત પાકિસ્તાન સાથે બાથ ભીડશે. ટીમ ઇન્ડિયા માટે આ મેચ કરો યા મરો સમાન છે, કારણ કે ટી-20 વિશ્વકપની રેસમાં બની રહેવા માટે ભારતે આ મેચ જીતવી જરૂરી છે. આ ભારત માટે છેલ્લી તક છે. નોંધનીય છે કે ભારતે છેલ્લા બન્ને વિશ્વકપમાં સુપર-8 મુકાબલામાં પોતાની તમામ મેચો હાર્યું છે. આ વખતે પણ કાંગારુ સામે હાર્યા બાદ ભારત પાકિસ્તાન સામે મેચ જીતીને પોતાના માથે લાગેલા આ દાગને દૂર કરવા મરણીયા પ્રયાસો કરશે.

    આ વિશ્વકપમાં ભારતે અત્યારસુધી માત્ર ઇંગ્લેન્ડની ટીમને હરાવી છે તો પાકિસ્તાનને પોતાની તમામ મેચો જીતી છે અને ટીમ જોરદાર ફોર્મમાં છે. પાકિસ્તાનની ટીમે આ પહેલાની મેચમાં દક્ષિણ આફ્રિકાને બે વિકેટથી હરાવ્યું હતું અને તેને સેમીફાઇનલમાં પહોંચવા માટે માત્ર એક જીતની જરૂર છે.

    આ હાઇવોલ્ટેજ મુકાબલા અંગે ટીમ ઇન્ડિયાના સુકાની મહેન્દ્ર સિંહ ધોનીનું કહેવું છે કે એ વાતમાં જરા પણ શંકા નથી કે પાકિસ્તાન હાલ સારી સ્થિતિમાં છે અને અમારે સ્પર્ધામાં બની રહેવા માટે આ મેચ જીતવી પડશે. અમે આ મુકાબલા માટે સંપૂર્ણ રીતે તૈયાર છીએ અને પરિણામ અંગે ચિંતા નહીં કરીને મેદાન પર 100 ટકા પ્રદર્શન કરીશું. બીજી તરફ પાકિસ્તાનના સુકાની મોહમ્મદ હાફીઝે કહ્યું છે કે ભારત વિરુદ્ધ મેચ હંમેશા દબાણ લઇને આવે છે, પરંતુ અભ્યાસ મેચમાં ભારત સામે જીત્યા પછી અમારો આત્મવિશ્વાસ વધ્યો છે અને અમે હકારાત્મક વિચાર સાથે મેદાન પર ઉતરીશું.

    દક્ષિણ આફ્રિકા વિરુદ્ધની મેચમાં શાનદાર પ્રદર્શન કરીને મેન ઓફ ધ મેચ બનેલા ઉમર ગુલે કહ્યું છે કે ભારત વિરદ્ધની મેચ ઘણી કપરી હશે. આ મેચમાં બન્ને ટીમો પર દબાણ હશે, કારણ કે બન્ને દેશોના લોકો તેમની ટીમ હારતી જોવા ઇચ્છતાં નથી.

    ભારત અને પાકિસ્તાને અત્યાર સુધી ટી-20 વિશ્વકપમાં એકબીજા વિરુદ્ધ બે મેચ રમી છે, જેમાં બન્ને ભારતે જીત હાંસલ કરી છે. આ બન્ને મેચો ટી-20 વિશ્વકપ 2007માં રમાઇ હતી. પહેલાં વિશ્વકપમાં એક મેચ ભારતે બોલ આઉટના નીયમપ્રમાણે તો બીજી મેચ પાંચ રનથી જીતી હતી જે ફાઇનલ મેચ હતી. આ મેચમાં ભારતે મોટા અંતરથી વિજય હાંસલ કરવા ઇચ્છશે.

    English summary
    India, demolished by Australia on Friday night, will have to be at their best when they lock horns with arch rivals Pakistan on Sunday night in Super Eights of the ICC World Twenty20 2012. India have not won a World T20 Super Eight game since 2007 and they have to break that losing streak to stay in Sri Lanka.

    For Breaking News from Gujarati Oneindia
    Get instant news updates throughout the day.

    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more