IPL Final : વરસાદના કારણે મેચ રદ્દ, હવે સોમવારે બન્ને ટીમો ટકરાશે
અમદાવાદમાં ભારે પવન સાથે વરસાદ આઈપીએલ ફાઈનલ માટે વિલન સાબિત થયો છે. લાંબી રાહ જોયા બાદ આખરે મેચને રદ્દ કરવાનો નિર્ણય લેવાયો છે. હવે સોમવારે ટાઈટલ માટે બન્ને ટીમો મેદાનમાં ઉતરશે.
અમદાવાદમાં સાંજથી જ વરસાદ જોવા મળી રહ્યો છે. બન્ને કેપ્ટન ટોસ કરે તે પહેલાથી જ વરસાદ હોવાથી ટોસ થઈ શક્યો નહોતો. મોડા મોડા વરસાદ અટક્યો પરંતુ મેદાન તૈયાર ન થતા આખરે મેચ રદ્દ કરવાની ફરજ પડી છે.
મેચ માયે અમ્પાયરોએ 11 વાગ્યા સુધી વરસાદ બંધ થવાની રાહ જોઈ હતી. જો 11 વાગ્યા સુધીમાં સ્થિતી સામાન્ય થઈ ગઈ હોત તો મેચ થઈ શક્યો હોત. પરંતુ સ્થિતી જોતા મેચ રદ્દ કરવામાં આવ્યો. હવે બન્ને ટીમો સોમવારે ટાઈટલ માટે મેદાનમાં સામસામે ઉતરશે.
અહીં તમને જણાવી દઈએ કે, સ્ટેડિયમમાં મેચ જોવા માટે મોટી સંખ્યામાં લોકો પહોંચ્યા હતા. લાંબી લાઈનોમાં રહીને ટિકિટ મેળવ્યા બાદ હવે મેચ જોતા લોકોને નિરાશા હાથ લાગી છે.
હવે આવતીકાલ એટલે કે સોમવારે સાંજે સાત વાગ્યે ફાઈનલ રમાશે. આના માટે લોકો જુની ટિકિટ લઈને એન્ટ્રી કરી શકશે. બીજી તરફ જો કાલે પણ વરસાદ રહેશે તો ગુજરાતને વિજેતા જાહેર કરાઈ શકે છે.
Click it and Unblock the Notifications
Sign in with Google
