અનોખી સિદ્ધિઃ મુરલી વિજયે સચિનને પછાડ્યો

Published: Friday, July 11, 2014, 14:41 [IST]

ઇંગ્લેન્ડ સામેની ટેસ્ટ શ્રેણીની પહેલી ટેસ્ટ મેચના બે દિવસ પૂર્ણ થઇ ગયા છે. ભારતે પ્રથમ ઇનિંગમાં 457 રન બનાવ્યા છે. જ્યારે ઇંગ્લન્ડે બીજા દિવસની રમત પૂર્ણ થઇ ત્યાં સુધીમાં એક વિકેટ ગુમાવીને 43 રન બનાવી લીધા છે. ટ્રેન્ટ બ્રિજ ખાતે રમાઇ રહેલી આ મેચમાં ભારતીય ટીમ દ્વારા અનેક સિદ્ધિઓ હાંસલ કરવામાં આવી છે. આવી જ એક અનોખી સિદ્ધિ મુરલી વિજયે નોંધાવી છે.

આ પણ વાંચોઃ- બીજો દિવસઃ...ને ધોનીએ બનાવી નાંખ્યો આ અનોખો રેકોર્ડ

મુરલી વિજયે પહેલી ઇનિંગમાં ઇંગ્લેન્ડ સામે 462 મિનિટ સુધી રમીને 146 રન બનાવ્યા હતા, જેમાં તેણે 25 ચોગ્ગા અને એક છગ્ગો ફટકાર્યો હતો. આટલા રન ફટાકરવા માટે તેણે 361 બોલનો સામનો કર્યો હતો. મુરલી વિજય પહેલા પણ આવી અનેક ભારતીય ખેલાડીઓ સિદ્ધિ નોંધાવી ચૂક્યા છે. જોકે આ સિદ્ધિ નોંધાવતી વખતે તેણે ક્રિકેટના ભગવાન ગણાતા સચિન તેંડુલકરને એક બોલ વધુ રમીને પાછળ રાખી દીધા છે.

આ પણ વાંચોઃ- ઇંગ્લેન્ડની ધરતી પર આ ભારતીયોએ મચાવી હતી ધમાલ

ઇંગ્લેન્ડ વિરુદ્ધ સૌથી બોલ રમવાની વાત કરવામાં આવે તો રાહુલ દ્રવિડ આ યાદીમાં ટોચ પર આવે છે અને સુનિલ ગાવસ્કર બીજા ક્રમે આવે છે. દ્રવિડે 468 જ્યારે સુનિલ ગાવસ્કરે 443 બોલ રમ્યા હતા. તો ચાલો તસવીરો થકી જાણીએ કે કયા ખેલાડીએ ઇંગ્લેન્ડ વિરુદ્ધ કેટલા બોલ રમ્યા છે.

આ પણ વાંચોઃ- ભારત વિ. ઇંગ્લેન્ડઃ કોણ કેટલું દમદાર, જાણો રસપ્રદ ઇતિહાસ