MI vs LSG : લખનૌ સામે મુંબઈનું જીતનું ખાતું ન ખૂલ્યું, હવે પ્લેઓફનો રસ્તો મુશ્કેલ!
ઈન્ડિયન પ્રીમિયર લીગની 15મી સીઝનની 26મી મેચ બ્રેબોર્ન સ્ટેડિયમમાં રમાઈ હતી, જ્યાં પહેલી જીતની શોધમાં રહેલી મુંબઈ ઈન્ડિયન્સની ટીમ લખનૌ સુપરજાયન્ટ્સ સામે રમાયેલી આ મેચમાં ફરી નિષ્ફળ રહી છે.
નવી દિલ્હી : ઈન્ડિયન પ્રીમિયર લીગની 15મી સીઝનની 26મી મેચ બ્રેબોર્ન સ્ટેડિયમમાં રમાઈ હતી, જ્યાં પહેલી જીતની શોધમાં રહેલી મુંબઈ ઈન્ડિયન્સની ટીમ લખનૌ સુપરજાયન્ટ્સ સામે રમાયેલી આ મેચમાં ફરી નિષ્ફળ રહી છે. આ હાર સાથે મુંબઈ ઈન્ડિયન્સ આ સિઝનમાં સતત છઠ્ઠી મેચ હારી ગઈ છે, જેના કારણે આઈપીએલની 15મી સિઝનમાં પ્લેઓફમાં પહોંચવાનું તેનું સપનું મુશ્કેલ લાગે છે.
બ્રેબોર્ન મેદાન પર રમાયેલી આ મેચમાં મુંબઈ ઈન્ડિયન્સે ટોસ જીતીને પ્રથમ બોલિંગ કરવાનો નિર્ણય કર્યો હતો, જો કે લખનૌ સુપરજાયન્ટ્સની ટીમે કેપ્ટન કેએલ રાહુલ (103)ની અણનમ સદીની ઈનિંગ્સના આધારે 199 રનનો વિશાળ સ્કોર બનાવ્યો હતો. આ દરમિયાન મુંબઈની ટીમ માત્ર 4 વિકેટ જ લઈ શકી હતી. જવાબમાં મુંબઈ ઈન્ડિયન્સની ટીમ 9 વિકેટે 181 રન જ બનાવી શકી અને 18 રનથી મેચ હારી ગઈ.
આ હાર સાથે, IPL 2022 ના પ્લેઓફમાં જવાનો રસ્તો મુંબઈ ઈન્ડિયન્સ ટીમ માટે મુશ્કેલ બની ગયો છે, કારણ કે મુંબઈ ઈન્ડિયન્સની ટીમ IPLના ઈતિહાસમાં સતત 6 મેચમાં ક્યારેય હારી નથી. મુંબઈ ઈન્ડિયન્સે 5 મેચ હાર્યા બાદ પ્લેઓફમાં જગ્યા બનાવવા માટે પુનરાગમન કર્યું હતું, જ્યારે 4 મેચ હારીને ટાઈટલ જીત્યું હતું, પરંતુ સતત 6 મેચ હાર્યા બાદ કોઈપણ ટીમ માટે પ્લેઓફમાં પહોંચવું અશક્ય લાગી રહ્યું છે.