For Quick Alerts
ALLOW NOTIFICATIONS  
For Daily Alerts
Oneindia App Download

વર્ષની વિસ્ફોટક શરૂઆતઃ એંડરસને તોડ્યો આફ્રિદીનો રેકોર્ડ

|
Google Oneindia Gujarati News

નવી દિલ્હી, 1 જાન્યુઆરી- વર્ષ 2014ની ખેલ જગતમાં ખાસ કરીને ક્રિકેટ વિશ્વમાં વિસ્ફોટક શરૂઆત થઇ છે. ન્યુઝીલેન્ડના 23 વર્ષીય કોરી એન્ડરસને શાહિદ આફ્રિદીના સૌથી ઝડપી વનડે સદીના રેકોર્ડને તોડી નાંખ્યો છે. છેલ્લા 18 વર્ષથી ક્રિકેટ જગતનો એક પણ ધુંઆધાર બેટ્સમેન આફ્રિદીના આ રેકોર્ડને તોડી શક્યો નથી. એન્ડરસને ક્વીંસટાઉનમાં વેસ્ટ ઇન્ડિઝ વિરુદ્ધ માત્ર 36 બોલમાં સદી ફટકારીને ક્રિકેટ વિશ્વ માટે આ નવા વર્ષનો પહેલો દિવસ યાદગાર બનાવી દીધો છે.

Corey-Anderson
એન્ડરસનની વિસ્ફોટક સદીની મદદથી ન્યુઝીલેન્ડે માત્ર 21 ઓવરમાં 283 રન બનાવી દીધા અને વેસ્ટ ઇન્ડિઝ સામે 21 ઓવરમાં 284 રનનું લગભગ અસંભવ લક્ષ્યાંક મુક્યું છે. પાંચમ નંબર બેટિંગ કરતા એન્ડરસને માત્ર 47 બોલમાં અણનમ 131 રન ફટકાર્યા છે. આ ઇનિંગમાં તેણે 6 ચોગ્ગા અને 14 છગ્ગા ફટકાર્યા છે. એન્ડરસને આ કારનામો પોતાની સાતમી વનડેમાં કરી બતાવ્યો છે. વરસાદના કારણે વેસ્ટ ઇન્ડિઝ અને ન્યુઝીલેન્ડ વચ્ચેની આ મેચ 21-21 ઓવરની કરી નાંખવામાં આવી હતી.

પાકિસ્તાનના શાહિદ આફ્રિદીએ 1996માં શ્રીલંકા વિરુદ્ધ નેરોબીમાં 37 બોલમાં સદી ફટકારી હતી. ત્યારબાદ લગભગ 18 વર્ષ સુધી એકપણ બેટ્સમેન આ રેકોર્ડની નજીક પહોંચી શક્યો નહોતો.

English summary
In the third ODI against the West Indies, New Zealand's No.5 batsman Corey Anderson blazed away to a 36-ball century in a 21-overs-a-side match, overtaking Shahid Afridi's record (37 balls).
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X