Olympics 2024 : કોણ છે 7 મહિનાની પ્રેગનન્સી સાથે ઓલિમ્પિકમાં ભાગ લેનારી નાદા હાફિઝ? કેમ ચર્ચામાંં છે?
ઓલિમ્પિકના ઇતિહાસમાં 11 વર્ષથી લઈને 61 વર્ષ સુધીની ઉમરના ખેલાડીઓ જોવા મળ્યા છે. જો કે આ બધા વચ્ચે નાદા હાફિઝ સૌથી અલગ છે.
પેરિસ ઓલિમ્પિકના ત્રીજા દિવસે એક સામાન્ય સેબર મેચ રમાઈ, જેમાં ઈજિપ્ત અને યુનાઈટેડ સ્ટેટ્સ 32 ના મહિલા વ્યક્તિગત સેબર ટેબલમાં ભાગ લઈ રહ્યા હતા. ઇજિપ્તની ફેન્સર આ મેચ જીતવામાં સફળ રહી.
આ પછી, મહિલા વ્યક્તિગત સેબરના 16 ના ટેબલમાં ઇજિપ્ત અને દક્ષિણ કોરિયા વચ્ચે મેચ હતી. પરંતુ આમાં ઇજિપ્તના ફેન્સરને દક્ષિણ કોરિયાના ફેન્સરથી હારનો સામનો કરવો પડ્યો. આ હાર બાદ ઈજિપ્તના એક ફેન્સરની ઈન્સ્ટાગ્રામ પોસ્ટે દુનિયાભરમાં હેડલાઈન્સ બનાવી દીધી. આ ઇજિપ્તની ફેન્સર નાદા હાફિઝ હતી.
મહિલા વ્યક્તિગત સેબર ઈવેન્ટના 16ના ટેબલમાં દક્ષિણ કોરિયાની ખેલાડી સામે હાર્યા બાદ નાદા હાફિઝે ઈન્સ્ટાગ્રામ પર એક પોસ્ટ શેર કરી અને મોટો ખુલાસો કર્યો. તેણીએ જણાવ્યું કે તે સાત મહિનાની ગર્ભવતી છે.
મેચના થોડા કલાકો પછી નાદાએ ઇન્સ્ટાગ્રામ પર પોસ્ટ કરી કે, 7 મહિનાની ગર્ભવતી ઓલિમ્પિયન! તમે પોડિયમ પર જોયેલા બે ખેલાડીઓ ખરેખર ત્રણ હતા! હું, મારી હરીફ અને મારી ભાવિ નાની દિકરી!
નાદા હાફિઝે તેની પોસ્ટમાં લખ્યું કે, મારા બાળક અને મેં બંને શારીરિક અને ભાવનાત્મક પડકારોનો સામનો કર્યો. ગર્ભાવસ્થાનો રોલરકોસ્ટર પોતાનામાં અઘરો છે, પરંતુ જીવન અને રમત વચ્ચે સંતુલન જાળવવાની લડાઈ અત્યંત અઘરી હતી, પરંતુ આ બધું તેને લાયક હતું.
જણાવી દઈએ કે, નાદા હાફિઝે તેની પ્રથમ મેચમાં અમેરિકાની એલિઝાબેથ ટાર્ટાકોવસ્કીને 15-13થી હરાવી હતી. પરંતુ બીજી મેચમાં તે કોરિયાની જીઓન હ્યોંગ સામે 7-15થી હારી ગઈ. નાદાની આ ત્રીજી ઓલિમ્પિક સ્પર્ધા હતી.
Click it and Unblock the Notifications
Sign in with Google
