'સૌરાષ્ટ્રના સાવજ'નો હનુમાન કુદકો

નવી દિલ્હી, 5 માર્ચઃ ભારતના યુવા ખેલાડી ચેતેશ્વર પુજારા અને ઓફ સ્પિનર રવિચંદ્રન અશ્વિને ઓસ્ટ્રલિયા વિરુદ્ધ બીજા ટેસ્ટ મેચમા શાનદાર પ્રદર્શન કરવા બદલ આઇસીસી રેન્કિંગમાં હનુમાન કુદકો લગાવ્યો છે. પુજારા ભારતનો ટોપ બેટ્સમેન બની ગયો છે, જ્યારે આર અશ્વિન ટોપ ટેન બોલરની યાદીમાં સ્થાન બનાવવાની સાથે જ ભારતીય બોલર્સની યાદીમાં ટોચ પર પહોંચી ગયો છે.

ભારતે ઓસ્ટ્રેલિયાને બીજી ટેસ્ટ મેચમાં ઇનિંગ અને 135 રનથી પરાજય આપ્યો. આ મેચમાં પુજારાએ 204 રનની જોરદાર ઇનિંગ રમી. જેના કારણે આઇસીસીની બેટિંગ રેન્કિંગમાં તે 12 સ્થાનનો હનુમાન કુદકો લગાવીને 11માં સ્થાને પહોંચી ગયો છે. પુજારાએ પોતાની સર્વશ્રેષ્ઠ રેટિંગ(740 અંક) પણ હાંસલ કરી.

પુજારાની જેમ અશ્વિન પણ સર્વશ્રેષ્ઠ રેટિંગ હાંસલ કરવામાં સફળ રહ્યો છે. અશ્વિને બીજી ઇનિંગમાં પાંચ વિકેટ લીધી, જેના કારણે તે ત્રણ આંકના વધારા સાથે આઠમાં સ્થાને પહોંચ્યો છે. શરૂઆતની બે ટેસ્ટ મેચોમાં ટીમમાંથી બહાર રહેનાર સ્પિનર પ્રજ્ઞાન ઓઝા પહેલા આઠમાં સ્થાન પર હતો, પરંતુ હવે તે એક અંક નીચે આવીને નવમા સ્થાને પહોંચ્યો છે.

English summary

Cheteshwar Pujara, R Ashwin move up ICC rankings after Aussie demolition