Tokyo Olympics: તિરંદાજી રેંકિંગ રાઉન્ડમાં કોરિયાનો જલવો, 35માં નંબરે રહ્યા અતનુ દાસ

ભારતની તિરંદાજ દીપિકા કુમારીના રાઉન્ડ બાદ ઑલિમ્પિક 2020ના તિરંદાજી રેંકિંગ રાઉન્ડમાં પુરુષ વ્યક્તિગત રેંકિંગ રાઉન્ડ પૂરો થઈ ગયો છે. જાણો પરિણામ.

Updated: Friday, July 23, 2021, 12:45 [IST]

ટોક્યોઃ ભારતની તિરંદાજ દીપિકા કુમારીના રાઉન્ડ બાદ ઑલિમ્પિક 2020ના તિરંદાજી રેંકિંગ રાઉન્ડમાં પુરુષ વ્યક્તિગત રેંકિંગ રાઉન્ડ પૂરો થઈ ગયો છે. દુનિયાભરના ટૉપ 64 તિરંદાજોના આ રેંકિંગ રાઉન્ડમાં ભારતના અતનુ દાસ, તરુણદીપ રાય અને પ્રવીણ જાધવ આગલા રાઉન્ડ માટે પોતાનુ રેંકિંગ સેટ કરવા માટે ઉતર્યા પરંતુ ત્રણેમાંથી કોઈ પ્રભાવ છોડી શક્યા નહિ.

મહિલા તિરંદાજોની જેમ પુરુષ તિરંદાજીમાં પણ દક્ષિણ કોરિયાનો જલવો છવાયેલો રહ્યો. કિમ જે ડિઓક 688 પોઈન્ટ સાથે ટૉપ પર રહ્યા, નંબર ત્રણ અને ચાર પર પણ કોરિયાનો કબ્જો રહ્યો. વળી, ભારતના અતનુ દાસને 653 પોઈન્ટ સાથે 35માં સ્થાનથી સંતોષ કરવો પડ્યો. પ્રવીણ જાધવ 656 પોઈન્ટ સાથે 31મુ સ્થાન મેળવ્યુ અને તરુણદીપ રાયે 652 પોઈન્ટ સાથે 37મુ સ્થાન મેળવ્યુ.

પહેલા હાફ એટલે કે 36 તીરોના રાઉન્ડ બાદ કોરિયાએ જ બાજી મારી હતી. ટૉપ બેમાંથી કોરિયાના તીરંદાજ હતા જ્યારે ભારતના પ્રવીણ જાધવ 329 સ્કોર સાથે 30માં નંબરે હતા. તેમની નીચે અતનુ દાસ હતા જે એટલા જ પોઈન્ટ સાથે 31માં નંબરે હતા. 45માં નંબરે તરુણદીપ રાયનો નંબર હતો જે 323 જ પોઈન્ટ મેળવી શક્યા હતા. દાસે આગલા અમુક રાઉન્ડ્માં સારા શૉટ્સ બતાવ્યા અને 26માં સ્થાને આવી ગયા પરંત પછી 54માં રાઉન્ડ સુધી તે ફરીથી 30માં સ્થાને જતા રહ્યા.

ઓલિમ્પિકમાં તીરંદાજીના રેંકિંગ મુકાબલા ઑફિશિયલ મેચ નથી હોતા કારણે આમાં કોઈ તીરંદાજ બહાર નથી થતો પરંતુ તેનુ પોતાનુ મહત્વ હોય છે કારણકે આ જ મુકાબલાથી ખેલાડીની જે રેંકિંગ બને છે તેના હિસાબે આગલા રાઉન્ડમાં તેને પોતાનો પ્રતિસ્પર્ધી મળે છે. જેમ કે દીપિકા કુમારીએ મહિલાના રાઉન્ડમાં નંબર 9 પર સમાપ્ત કર્યુ અને હવે તેને આગલા રાઉન્ડમાં 56માં સ્થાન પર જ રહેલી ભૂટાનની કર્મા સાથે મુકાબલો કરવાનો છે. નોંધનીય છે કે આગલા રાઉન્ડમાં પણ દીપિકાની જીત નક્કી જ છે.