Video : આઈપીએલ ઓક્શન દરમિયાન CSK ના અધિકારીએ પ્રીતિ ઝિન્ટાને આંખ મારી, વીડિયો વાયરલ

By Desk

Updated: Wednesday, December 20, 2023, 14:42 [IST]

આઈપીએલ ઓક્શન દરમિયાન ખેલાડીઓ માટે તમામ ટીમોએ બોલી લગાવી. આ ટીમોમાં પંજાબ માટે પ્રીતિ ઝિન્ટા પણ ઓક્શનમાં હાજર હતી. હવે અહીંથી તેનો એક વીડિયો વાયરલ થઈ રહ્યો છે.

આઈપીએ 2024 મિની ઓક્શન એક્ટ્રેસ અને પંજાબ કિંગ્સની માલિક પ્રીતિ ઝિન્ટા ચર્ચામાં રહી. પ્રીતિ ઝિન્ટાની ઘણી તસવીરો અને વીડિયો સોશિયલ મીડિયા પર ઝડપથી વાયરલ થઈ રહ્યા છે.

પંજાબ કિંગ્સ માટે છેલ્લી સિઝન સુધી રમી ચૂકેલો બેટ્સમેન શાહરૂખ ખાન હરાજીમાં ગુજરાતની ટીમ સાથે જોડાયો છે. ગુજરાત ટાઇટન્સ શાહરૂખ ખાનને 7 કરોડ 40 લાખ રૂપિયામાં ખરીદવામાં સફળ રહી.

શાહરૂખ ખાન માટે ગુજરાત ટાઇટન્સ અને પંજાબ કિંગ્સ વચ્ચે ભારે ટક્કર જોવા મળી અને અંતે ગુજરાત તેને ટીમમાં સામેલ કરવામાં સફળ રહી.

પંજાબ કિંગ્સ ન્યુઝીલેન્ડના ડેરીલ મિશેલને ખરીદવા માંગતી હતી. પ્રીતિ ઝિન્ટાએ ડેરીલ મિશેલ માટે બોલી લગાવવાનું શરૂ કર્યું. પંજાબના ડેરીલ મિશેલને 11 કરોડ 75 લાખ આપવા તૈયાર હતી. જો કે ચેન્નાઈ સુપર કિંગ્સે પંજાબની આશા પર બ્રેક લગાવી અને મિશેલને 14 કરોડ રૂપિયામાં ખરીદી લીધો.

ઓક્શન દરમિયાન ચેન્નાઈ સુપર કિંગ્સના અધિકારીઓ પંજાબ કિંગ્સની પાછળ બેઠા હતા. ચેન્નાઈની ટીમે ડેરીલ મિશેલ માટે બિડીંગ શરૂ કરી તો પ્રીતિ ઝિન્ટાએ તરત પાછળ ફરીને જોયું.

પ્રીતિ ઝિન્ટા ચેન્નાઈ તરફ જોઈને કંઈક કહી રહી હતી. ત્યારબાદ ચેન્નાઈના અધિકારી સુંદર રમને પ્રિતી ઝિન્ટા સામે આંખ મારી દીધી. આ પછી બંને વચ્ચે થોડી વાતચીત પણ થઈ.

He also got some rizz with that wink!! pic.twitter.com/ELGzl6A4JC
— Shravan S (@ShravanBussin) December 19, 2023

હવે આંખ મીચોલીનો વીડિયો સોશિયલ મીડિયા પર ઝડપથી વાયરલ થઈ રહ્યો છે. સુંદર રમન આઈપીએલની શરૂઆતથી લઈને 2015 સુધી લીગના ચીફ ઓપરેટિંગ ઓફિસર હતા.

આ સ્થિતિમાં ટૂર્નામેન્ટના આયોજકો અને ફ્રેન્ચાઈઝી માલિક અધિકારીઓ સાથે તેના લાંબા સંબંધો છે. તે પ્રીતિને પણ ઘણા સમયથી ઓળખે છે. તેણે મજાકમાં આ કર્યું. હરાજી દરમિયાન ઘણીવાર ટીમો વચ્ચે આવી બાબતો જોવા મળે છે.