..તો મેચ રમ્યાં વગર જ ભારત પહોંચી જશે ફાઇનલમાં!

મિરપુર, 4 એપ્રિલઃ ટી20 વિશ્વકપમાં ગઇ કાલે રમાયેલી પહેલી સેમીફાઇનલમાં જે પ્રકારે વરસાદે વિઘ્ન ઉભુ કરતા વેસ્ટ ઇન્ડિઝે હારનો સ્વાદ ચાખવો પડ્યો હતો, તેવી જ રીતે જો આજે દક્ષિણ આફ્રિકા અને ભારત વચ્ચે વિશ્વકપની બીજી સેમીફાઇનલમાં પણ વરસાદનું વિધ્ન જોવા મળી રહ્યું છે.હવામાન વિભાગે આજે પણ ભારે વરસાદ થઇ શકે છે, જો તેવું થયું અને તેવામાં એક પણ ઓવર ન નંખાય તો ભારતીય ટીમ સીધી જ ફાઇનલમાં પહોંચી જશે.

ઢાકામાં હવામાન વિભાગ અનુસાર 70 ટકા વરસાદ થઇ શકે છે, ભારત અને દક્ષિણ આફ્રિકા વચ્ચે થનારી મેચ ખરાબ થઇ શકે છે. ખેલના નિયમ અનુસાર બન્ને ટીમો વચ્ચે પાંચ-પાંચ ઓવર ના રમાય તો જે પોતાના ગ્રુપમાં ઉંચી રેંકવાળી ટીમને વિજેતા જાહેર કરી દેવામાં આવશે. તેવામાં ભારત પોતાની ગ્રુપ મેચોમાં ટોપ પર છે, તેથી જો મેચ રમાય નહીં તો ભારત સીધું ફાઇનલમાં પહોંચી જશે અને તેનો સામનો શ્રીલંકા સાથે થશે.

નોંધનીય છેકે વેસ્ટ ઇન્ડિઝને ડકવર્થ લુઇસના નિયમ હેઠળ 27 રને હરાવી શ્રીલંકા સેમીફાઇનલમાં પહોંચી ગયું છે. અત્રે ઉલ્લેખનીય છે કે, દક્ષિણ આફ્રિકા સાથે વરસાદના કારણે ઉભી થયેલી આ બીજી ટ્રેજડી છે. આ પહેલા પણ 22 વર્ષ પૂર્વે વનડે વિશ્વકપની એક મેચમાં દક્ષિણ આફ્રિકા સાથે આવું થયું હતું.

English summary

With the weather forecast for tomorrow predicting another round of heavy rainfall in Mirpur, India will be the lucky team if it eventually pours as they would then automatically advance to the final of the ICC World T20.