WPL 2025 : રિચા ઘોષ અને કણીકા અહુજાની ધમાકેદાર બેંટીંગ, બેંગ્લોરે જીત સાથે શરૂઆત કરી
WPL 2025 : વૂમન્સ પ્રિમિયર લીગની ધમાકેદાર શરૂઆત થઈ ગઈ છે. બેંગ્લોરે તેના પહેલા જ મુકાબલામાં ધમાકેદાર જીત સાથે લીગની શરૂઆત કરી છે.
વિમેન્સ પ્રીમિયર લીગ 2025ની પ્રથમ મેચમાં રોયલ ચેલેન્જર્સ બેંગ્લોરે ગુજરાત જાયન્ટ્સને 6 વિકેટે હરાવ્યું છે. ડિફેન્ડિંગ ચેમ્પિયન આરસીબીએ સિઝનની શરૂઆત મોટી જીત સાથે કરી છે.
WPL 2025ની પ્રથમ મેચમાં ગુજરાતે પ્રથમ બેટિંગ કરતા 20 ઓવરમાં 201 રન બનાવ્યા હતા. જવાબમાં બેંગલુરુની ટીમે 9 બોલ બાકી રહેતા 6 વિકેટે મેચ જીતી લીધી.
વડોદરામાં રમાયેલા આ મુકાબલામાં RCBની કેપ્ટન સ્મૃતિ મંધાનાએ ટોસ જીતીને પ્રથમ બોલિંગ કરવાનું પસંદ કર્યું હતું. મંધાનાએ કહ્યું હતું કે ઝાકળ મેચમાં મોટી ભૂમિકા ભજવી શકે છે અને વાસ્તવિકતામાં પણ કંઈક આવું જ બન્યું.
ગુજરાત બેટિંગમાં સ્કોરબોર્ડ પર 201 રન બનાવવામાં સફળ રહ્યું હતું. પરંતુ બીજા દાવમાં ઝાકળને કારણે બોલિંગ કરવી મુશ્કેલ બની ગઈ હતી. જોકે આરસીબીએ સ્મૃતિ મંધાના (9 રન) અને ડેનિયલ વ્યાટ (4 રન)ની વિકેટો વહેલી ગુમાવી દીધી હતી પરંતુ એલિસ પેરી અને રિચા ઘોષે સંજોગોનો પૂરો ફાયદો ઉઠાવીને આરસીબીને જીત સુધી પહોંચાડી દીધી.
આ જીત સાથે RCB મહિલા પ્રીમિયર લીગના ઈતિહાસમાં સૌથી વધુ સ્કોર ચેઝ કરનારી ટીમ બની ગઈ છે. RCB WPLના ઈતિહાસમાં 200થી વધુ રનના સ્કોરનો સફળતાપૂર્વક પીછો કરનાર પ્રથમ ટીમ પણ બની છે. આ પહેલા આ રેકોર્ડ મુંબઈ ઈન્ડિયન્સના નામે હતો, જેણે 2024માં ગુજરાત જાયન્ટ્સ સામે 191 રનનો લક્ષ્યાંક હાંસલ કર્યો હતો. ગુજરાત માટે શરમજનક બાબત છે કે WPL ઈતિહાસમાં ચાર સૌથી મોટા ચેઝ માત્ર ગુજરાતની ટીમ સામે જ થયા છે.
Click it and Unblock the Notifications
Sign in with Google
