બેકલઃ સૌમ્ય પાણી સાથે શાંતિપૂર્ણ હોલિડે

Published: Friday, June 6, 2014, 10:09 [IST]

બેકલ એક નાનું શહેર છે, જે અરબ સાગરના તટીય વિસ્તારોમાં શાંતિપૂર્વક સ્થિત છે. આ પલ્લિકારે ગામની અંદર છે, જે કેરળના કાસરગોડ જિલ્લા હેઠળ આવે છે. બેકલનું નામ બલિઅકુલમ પરથી આવ્યું છે, જેનો અર્થ થાય છે, મોટો મહેલ. સ્થાનિક મિથકો અનુસાર ભૂતકાળમાં અહી એક મહેલ હતો. બેકલ એક મહત્વપૂર્ણ પ્રવાસન સ્થળ છે. જેના અનેક મુખ્ય આકર્ષણો છે. આ નગરની સુરમ્ય સુંદરતા ઉલ્લેખનીય છે, જે સંપૂર્ણ વિશ્વના પ્રવાસીઓનું ધ્યાન પોતાની તરફ આકર્ષિત કરે છે.

બેકલ પોતાના આતિથ્ય માટે જાણીતું છે. બેકલના સ્થાનિક નિવાસીઓ દ્વારા બનાવવામાં આવતા પાયસમનો સ્વાદ અવશ્ય લેવો જોઇએ. બેકલના પ્રત્યે મંદિર અલગ-અલગ પરિસર સંબંધિત છે અને પ્રત્યેક મંદિર એક અલગ દેવતાને સમર્પિત છે. જો તમે વર્ષના પ્રારંભના મહિનાઓમાં આ સ્થળની મુલાકાત લો છો તો તમારે થેય્યમ પ્રદર્શનમાં ભાગ લેવો જોઇએ. બેકલ કિલ્લાનું પુરાતાત્વિક અને ઐતિહાસિક મહત્વ છે. આ મોટા કિલ્લાઓમાનો એક છે અને તેને ભારત સરકારના પુરાતાત્વિક વિભાગ દ્વારા સંરક્ષિત કરવામાં આવ્યો છે.

આ કિલ્લાની ચારેકોર વિશાળ સમુદ્રની મંત્રમુગ્ધ કરી દેતી સુંદરતાના કારણે આ કિલ્લાની પોતાની એક ચમક છે. બેકલ કિલ્લાની અંદર યાત્રી બંગલો છે, જેને કેરળ સરકારના પીડબલ્યુડી વિભાગ દ્વારા સંરક્ષિત કરવામાં આવ્યો છે. ભગવાન હનુમાનને સમર્પિત એક મંદિર અને ટીપુ સુલતાન દ્વારા સ્થાપિત એક જૂની મસ્જિદ અહીનું અન્ય આકર્ષણ છે. તો ચાલો તસવીરો થકી નિહાળીએ કેરળના બેકલને.