Holika Dahan 2024: આ લોકોએ ન કરવા જોઇએ હોળીના દર્શન, જીવનમાં વધી જાય છે મુશ્કેલી

Published: Wednesday, March 20, 2024, 15:17 [IST]

Holika Dahan 2024: દર વર્ષે ફાગણ મહિનાની પૂર્ણિમાની તિથિ પર હોળીના તહેવારની ઉજવણી કરવામાં આવે છે. આ વર્ષે 24 માર્ચ, 2024ના રોજ ઉજવવામાં આવશે. પૌરાણિક માન્યતા અનુસાર, આ તિથિ પર અગ્નિથી વિષ્ણુના પરમ ભક્ત પ્રહલાદ બચી ગયો હતો, અને હિરણ્યકશ્યપની બહેન હોલિકા આગમાં બળી ગઇ હતી, જે બાદ હોલિકા દહનની પરંપરાની શરૂઆત થઇ હતી.

આવી સ્થિતિમાં આ તહેવારને બુરાઈ પર અચ્છાઇની જીતનું પ્રતિક માનવામાં આવે છે. હોલિકા દહન હોળીના એક દિવસ પહેલા કરવામાં આવે છે. આ મુજબ 24 માર્ચની રાત્રે હોલિકા દહન કરવામાં આવશે.

પડી શકે છે નકારાત્મક અસર - ઘણી માન્યતાઓ અનુસાર, સગર્ભા સ્ત્રીઓએ ન તો હોલિકા દહનની પરિક્રમા કરવી જોઈએ અને ન તો હોલિકા દહનના દર્શન ન કરવા જોઈએ. કારણ કે એવું માનવામાં આવે છે કે, તેની માતા અને બાળક બંને પર ખરાબ અસર પડી શકે છે. આવી સ્થિતિમાં, આ વિશે વિશેષ કાળજી લેવી જોઈએ.

નવજાત બાળકો - ગર્ભવતી મહિલાઓ તેમજ નવજાત શિશુઓ માટે હોલિકા દહન જોવા અશુભ માનવામાં આવે છે. એવું માનવામાં આવે છે કે, જે જગ્યાએ હોલિકા દહન થાય છે, ત્યાં નકારાત્મક શક્તિઓ પ્રવર્તે છે. આવી સ્થિતિમાં નવજાત બાળકોને તે સ્થાનથી દૂર રાખવું જોઈએ, જ્યાં હોલિકા દહન કરવામાં આવે છે.

આવી શકે છે સંબંધોમાં ખટાશ - સદીઓ જૂની પરંપરા અનુસાર, નવી પરિણીત મહિલાએ તેની સાસુ સાથે હોલિકા દહન ન જોવું જોઈએ. કારણ કે, એવું માનવામાં આવે છે કે, સાસુ અને વહુ વચ્ચે એકસાથે હોલિકા દહન જોવાથી તેમના સંબંધોમાં ખટાશ આવી શકે છે. આવી સ્થિતિમાં, નવવિવાહિત મહિલાઓ તેમના માતાપિતાના ઘરે તેમની પ્રથમ હોળી ઉજવવાની પરંપરા છે.

હોલિકા દહન 2024નો શુભ સમય - હિન્દુ કેલેન્ડર મુજબ, આ વખતે હોલિકા દહન 24 માર્ચ, 2024, રવિવારના રોજ કરવામાં આવશે. તેનો શુભ સમય 24 માર્ચે રાત્રે 11:13 વાગ્યાથી બીજા દિવસે 25 માર્ચે બપોરે 12:27 સુધી રહેશે.

હોલિકા દહનની પૂજા માટેનો કુલ સમયગાળો 1 કલાક 14 મિનિટનો રહેશે. મુહૂર્ત અનુસાર, તમે આ સમયગાળા દરમિયાન હોલિકા દહન કરી શકો છો.

નોંધ : આ માહિતી ઇન્ટરનેટ પર ઉપલબ્ધ ધારણાઓ અને માહિતી પર આધારિત છે. OneIndia Gujarati આ અહેવાલ સંબંધિત કોઈપણ ઇનપુટ અથવા માહિતીની ચકાસણી કરતું નથી. કોઈપણ માહિતી અને ધારણાઓ પર કાર્ય કરતા પહેલા અથવા લાગુ કરતા પહેલા સંબંધિત નિષ્ણાતની સલાહ લેવી જરૂરી છે.

Published On March 20, 2024