Mercury Transit In Capricorn 2023: બુધનો 7 ફેબ્રુઆરીએ મકર રાશિમાં પ્રવેશ, જાણો શું થશે રાશિઓ પર અસર?

જ્ઞાન અને બુદ્ધિના ગ્રહ બુધનો આજે 7 ફેબ્રુઆરીએ મકર રાશિમાં પ્રવેશ થયો. આવો જાણીએ 21 દિવસના આ ગોચર દરમિયાન દરેક રાશિ પર શું અસર થશે.

By Desk

Published: Tuesday, February 7, 2023, 8:50 [IST]

Mercury Transit In Capricorn 2023: જ્ઞાન, બુદ્ધિ, વિવેક, શિક્ષણ, વેપાર-ધંધાનો પ્રતિનિધિ ગ્રહ બુધ 7 ફેબ્રુઆરી 2023ના રોજ સવારે 7.30 કલાકે મકર રાશિમાં પ્રવેશ કર્યો. આ રાશિના દસમ રાશિનો સ્વામી શનિ છે. શનિ ભાગ્યનો કારક ગ્રહ પણ છે. આ રીતે દશમ રાશિમાં બુધનુ સંક્રમણ તમામ રાશિના લોકો માટે કામ અને વ્યવસાયની દ્રષ્ટિએ સારુ રહેશે. નવા કાર્યો પ્રાપ્ત થશે. કેટલાક કામ અટકશે પણ જ્યારે થશે ત્યારે પૂરપાટ ઝડપે થશે અને તેમાં સ્થિરતા આવશે. 27 ફેબ્રુઆરી સુધી બુધ આ રાશિમાં રહેશે. 27 ફેબ્રુઆરીએ સાંજે 4.47 કલાકે કુંભ રાશિમાં પ્રવેશ કરશે. 21 દિવસ માટે મકર રાશિમાં બુધનુ સંક્રમણ તમામ રાશિઓ માટે અલગ-અલગ અસર આપશે.

મેષઃ દસમ ભાવમાં બુધના આગમનથી વેપાર-ધંધામાં પ્રગતિ થશે. અટકેલા કામ પૂરા થશે. નવા કાર્યો પ્રાપ્ત થશે.
વૃષભ: ભાગ્ય ભાવમાં બુધના આગમનથી ભાગ્ય પ્રબળ થશે. અવરોધો દૂર થશે. આર્થિક સમસ્યાઓ ઉકેલાશે.
મિથુન: અષ્ટમ ભાવમાં બુધ તમને બૌદ્ધિક રીતે મજબૂત બનાવશે. અહીંથી ધન ભાવ પર દ્રષ્ટિ હોવાથી તમને આર્થિક લાભ થશે.
કર્કઃ સપ્તમ ભાવમાં રહેલો બુધ શારીરિક મજબૂતી આપશે. યોગ્ય સમયે યોગ્ય નિર્ણય લઈ શકશો. પરિવારમાં મહત્વ મળશે.
સિંહ: છઠ્ઠા ભાવમાં બુધ તમને સફળ વ્યૂહરચનાકાર બનાવશે. શત્રુઓનો પરાજય થશે. રોગોમાં ઘટાડો થશે. ખર્ચમાં ઘટાડો થશે.
કન્યા: પંચમનો બુધ શિક્ષણ અને પ્રેમમાં વિશેષ પ્રગતિ કરાવશે. સંતાન પક્ષને સન્માન અને પ્રતિષ્ઠા મળશે. તમને આવકના સાધન મળશે.
તુલા: ચતુર્થ ભાવનો બુધ સુખ પ્રદાન કરશે. પરિવારમાં મહત્વ વધશે. માન-સન્માન મળશે. ભૂમિ-સંપત્તિ પ્રાપ્ત થશે.
વૃશ્ચિક: પરાક્રમ ભાવમાં બુધ તમારી કુશળતામાં વધારો કરશે. નવી ઉર્જા સાથે કાર્ય પૂર્ણ કરી શકશો. પરિવારમાં મહત્વ વધશે.
ધન: વાણીના દમ પર પૈસા મળશે. નવા કાર્યો પ્રાપ્ત થશે. વેપાર અને નોકરીમાં પ્રગતિ થશે. પ્રવાસો થશે.
મકર: તમને શારીરિક અને માનસિક રીતે શક્તિ મળશે. સાચા નિર્ણયો તમને ઉંચાઈ પર લઈ જશે. ભાગીદારીના કાર્યો સફળ થશે.
કુંભ: દ્વાદશનો બુધ સફળતા અપાવશે પરંતુ ખર્ચાનો અતિરેક થશે. ધન આવશે પરંતુ એટલી જ ઝડપથી જશે.
મીનઃ અગિયારમામાંનો બુધ તમને પરેશાનીઓમાંથી બહાર કાઢશે. આવકના નવા માધ્યમ મળશે. આર્થિક સંકટ દૂર થશે.