બે હજાર રૂપિયાની નોટ અંગે આવ્યું નવું અપડેટ, પરત આવ્યા 66 ટકા નોટ
મે મહિનામાં ભારતીય રિઝર્વ બેંક દ્વારા 2000 રૂપિયાની નોટ પાછી ખેંચી લેવામાં આવી હતી, અને આ નોટ બેંકમાં પરત જમા કરાવવા માટે 30 સપ્ટેમ્બર, 2023 સુધીનો સમય આપવામાં આવ્યો છે. આ નોટ વર્તમાન સમયમાં માન્ય છે, અને તેનો ઉપયોગ કરી શકાય છે.
રિઝર્વ બેંક ઓફ ઈન્ડિયાના ગવર્નર શક્તિકાંત દાસે 2000 રૂપિયાની નોટ વિશે જણાવ્યું હતું કે, મે મહિનાથી અત્યાર સુધી એટલે કે એક મહિનામાં 2,000 રૂપિયાની બે તૃતીયાંશથી વધુ નોટો સિસ્ટમમાં પાછી આવી ગઈ છે.
નાણાકીય વર્ષની બીજી નાણાકીય નીતિ સમીક્ષામાં લેવાયેલા નિર્ણયો આ મહિનાની 8મી તારીખે જાહેર કરવામાં આવ્યા છે. મોનેટરી પોલિસીની જાહેરાત કરતી વખતે દાસે જણાવ્યું હતું કે, લગભગ 1.8 લાખ કરોડ રૂપિયાની 2000 રૂપિયાની નોટો હવે બેંકમાં પાછી આવી ગઈ છે.
31 માર્ચ સુધી આમાંથી માત્ર 50 ટકા નોટો જ બજારમાં ચલણમાં હતી. તેમાં લગભગ 85 ટકા નોટો જમા થઈ ગઈ છે. બાકીની નોટો હજુ પણ બજારમાં ચાલી રહી છે. તેનો અર્થ એ કે લોકો હજુ પણ તે નોટો સંભાળી રહ્યા છે.
પીટીઆઈએ ગયા અઠવાડિયે આરબીઆઈ હેડક્વાર્ટરમાં એક ઈન્ટરવ્યુ આપ્યો હતો. આ ઈન્ટરવ્યુમાં ગવર્નર દાસે જણાવ્યું હતું કે, ગયા સપ્તાહના મધ્ય સુધી બે તૃતીયાંશથી વધુ અથવા રૂપિયા 2.41 લાખ કરોડની નોટો હવે સિસ્ટમમાં પાછી આવી ગઈ છે.
કેન્દ્રીય બેંકે 30 સપ્ટેમ્બર, 2023 નોટ એક્સચેન્જ અથવા ડિપોઝિટ માટે છેલ્લો દિવસ નક્કી કર્યો છે. લોકો નોટો જમા કરાવવા ઉતાવળમાં છે. તેના પર દાસે જણાવ્યું હતું કે, આ સમય મર્યાદા પથ્થરની રેખા નથી. લોકોને પૈસા જમા કરાવવા કે, એક્સચેન્જ કરવા માટે ઉતાવળ કરવાની જરૂર નથી.
છેલ્લી નાણાકીય નીતિમાં, રેપો રેટ સ્થિર રાખવાનો નિર્ણય લેવામાં આવ્યો હતો. ગવર્નર દાસે જણાવ્યું હતું કે, નોટો પાછી ખેંચવાથી નાણાકીય સ્થિરતા પર અસર નહીં થાય.
આવા સમયે, તાજેતરના વિશ્લેષકના અહેવાલ મુજબ, 2000ની નોટના સર્ક્યુલેશન બાદ ઉપભોક્તા ખર્ચમાં વધારો થશે. આવી સ્થિતિમાં, અર્થતંત્રને આગળ વધારવા માટે રેપો રેટમાં વધારો થઈ શકે છે. અત્યારે રેપો રેટ 6.5 ટકા છે.
Click it and Unblock the Notifications
Sign in with Google
