મીન પ્રેમ રાશિફળ 2023(Pisces Love Horoscope): નવા પ્રેમ સંબંધો બનશે

મીન રાશિ માટે આવનારા નવા વર્ષ 2023 દરમિયાન પ્રેમ રાશિફળ કેવુ રહેશે તે અહીં જાણો.

મીન પ્રેમ રાશિફળ 2023: મીન રાશિના લોકો માટે વર્ષ 2023 પ્રેમની દ્રષ્ટિએ મિશ્ર રહેશે. એક તરફ જ્યાં નવા પ્રેમ સંબંધો બનવાની શક્યતા છે તો બીજી તરફ જૂના સંબંધોમાં પણ છૂટાછેડા અને વિચ્છેદ જેવી સ્થિતિ સર્જાઈ રહી છે. આ વર્ષે પાંચમા ભાવમાં શનિ અને શુક્રની સંયુક્ત અસર રહેશે. જેના પરિણામે તમારા સંબંધોમાં તકરાર થશે. તમારે તમારા સંબંધ માટે પ્રમાણિક અને પારદર્શક રહેવુ પડશે. પાર્ટનરથી કંઈક છૂપાવવાથી સંબંધ બગડી શકે છે. ખાસ કરીને એપ્રિલ સુધીના સમયમાં તમારે ખૂબ ધીરજ રાખવી પડશે.

સંબંધોમાં વધુ સાવધાની રાખવાની જરૂર

એપ્રિલ પછી ગુરુનુ રાશિ પરિવર્તન થશે. આ પછી સંજોગો બદલાશે. જો તમે કોઈને પ્રેમ કરતા હોય અને પ્રપોઝ કરવા ઈચ્છતા હોય તો ચોક્કસ કરો, પ્રસ્તાવ સ્વીકારવામાં આવશે. જો તમે પહેલેથી જ સંબંધમાં હોય તો તમે લગ્ન તરફ આગળ વધી શકો છો. જુલાઈ-ઓગસ્ટની વચ્ચે કોઈ અન્ય વ્યક્તિ તમારા જીવનમાં પ્રવેશ કરી શકે છે. જો તમે તમારા દિલની વાત કોઈને કહી શક્યા નથી તો તેઓ પણ કહી શકે છે. જો કે આ સમયગાળામાં મંગલ પંચમમાં સ્થિત હોવાથી સંબંધોમાં વધુ સાવધાની રાખવાની જરૂર પડશે. પ્રેમ સંબંધોમાં સંઘર્ષની સ્થિતિ રહેશે. તમે તમારા જીવનસાથી સાથે ભાવનાત્મક જોડાણ ચાલુ રાખશો પરંતુ તમારા જીવનસાથી તમારા પ્રેમ પર વિશ્વાસ નહીં કરે તેથી થોડી તકરાર થશે.

શુભ રત્ન - પોખરાજ ધારણ કરો

ઉપાયઃ ભગવાન બૃહસ્પતિના બીજ મંત્રનો જાપ કરો. ગુરુવારે કેળાના ઝાડમાં પાણીમાં ગોળ, મુન્નકા ચણાની દાળ નાખીને જળ ચઢાવો અને તેમની પૂજા કરો. ગુરુવારે શ્રી રામજીની સ્તુતિ કરવી વિશેષ લાભદાયક રહેશે.

English summary

Pisces(Meen) Love Horoscope 2023 - Know Pisces(Meen) Love Rashifal 2023 according to your name and date of birth in gujarati