Raksha Bandhan 2023 : રક્ષાબંધન પર બનશે રાજયોગ, ત્રણ રાશિની ખુલી જશે કિસ્મત
Raksha Bandhan 2023 : સનાતન ધર્મમાં રક્ષાબંધન તહેવારનું વિશેષ મહત્વ છે. રક્ષાબંધનના તહેવારના દિવસે, બહેન તેના ભાઈના કાંડા પર રક્ષા સૂત્ર બાંધે છે અને તેના ઉજ્જવળ ભવિષ્ય અને સારા સ્વાસ્થ્યની કામના કરે છે.
આ સાથે ભાઈઓ સમગ્ર જીવન તેમની બહેનની રક્ષા કરવાની પ્રતિજ્ઞા લે છે. હિંદુ કેલેન્ડર મુજબ, રક્ષાબંધનનો તહેવાર શ્રાવણ સુદ પૂર્ણિમાના દિવસે ઉજવવામાં આવે છે. આ સાથે રક્ષાબંધનને નાળિયેરી પૂનમ અને બળેવ પણ કહેવામાં આવે છે.
અત્રે ઉલ્લેખનીય બાબત છે કે, આ વર્ષે રક્ષાબંધન પર ભદ્રા છવાઈ જવાની છે, જેના કારણે રક્ષાબંધનનો તહેવાર 2 દિવસ એટલે કે 30 અને 31 ઓગસ્ટના રોજ ઉજવવામાં આવશે. આ સાથે આ સમયગાળા દરમિયાન શનિ અને ચંદ્ર કુંભ રાશિમાં બેસે છે.
રક્ષાબંધનના દિવસે ધનિષ્ઠા નક્ષત્ર અને સુકર્મ યોગ પણ બનશે. આવી સ્થિતિમાં કેટલીક રાશિઓને રક્ષાબંધનના તહેવારના દિવસે વિશેષ લાભ મળશે. આ અહેવાલમાં આપણે જાણીશું કે, કઇ કઇ રાશિને રક્ષાબંધન પર લાભ થવાનો છે.
મીન રાશિ - મીન રાશિના લોકો માટે રક્ષાબંધનનો તહેવાર શુભ સાબિત થશે. આ સમય દરમિયાન કોઈ સારા સમાચાર મળી શકે છે, જેના કારણે મન પ્રસન્ન રહેશે. આ સાથે લાંબા સમયથી અટકેલા કામો પણ પૂર્ણ થશે. આ દરમિયાન જીવનસાથી અને પરિવારનો સંપૂર્ણ સહયોગ પ્રાપ્ત થશે.
મકર રાશિ - મકર રાશિના લોકો માટે રક્ષાબંધન ખૂબ જ શુભ માનવામાં આવે છે. આ દરમિયાન વેપારમાં લાભ થવાની સંભાવના છે, પરંતુ જાતકોએ થોડી સાવધાની રાખવાની જરૂર છે. આ સમયગાળામાં નાણાકીય લાભના સારા સંકેતો છે.
મેષ રાશિ - મેષ રાશિના લોકો માટે રક્ષાબંધન લાભદાયી સાબિત થશે. આ દરમિયાન પરિવારનો સંપૂર્ણ સહયોગ પ્રાપ્ત થશે અને સંબંધો મજબૂત બનશે. આ સાથે સ્વાસ્થ્યમાં સકારાત્મક પરિવર્તન આવશે, જેના કારણે સ્વાસ્થ્ય સંબંધિત જૂની સમસ્યાઓ દૂર થશે. આ સાથે વેપાર-ધંધામાં પ્રગતિની નવી તકો પણ મળી શકે છે.
રાખડી બાંધવા માટેનું શુભ મુહૂર્ત - રક્ષાબંધનના દિવસે એક શુભ મુહૂર્તમાં સુકર્મ યોગ બની રહ્યો છે. આ દિવસે સુકર્મ યોગ 30મી ઓગસ્ટના રોજ રાત્રે 09.33 વાગ્યાથી 31મી ઓગસ્ટની સાંજે 05.16 વાગ્યા સુધી રહેશે.
આ સાથે જ શુભ મુહૂર્તમાં ગણાતા શતભિષા નક્ષત્રની પણ રચના થઈ રહી છે, જે 30મી ઓગસ્ટના રોજ રાત્રે 08.47 વાગ્યાથી 31મી ઓગસ્ટના રોજ સાંજે 05.45 વાગ્યા સુધી રહેશે. આ દરમિયાન રાખડી બાંધવા માટે બહેનોએ ભદ્રકાળના અંતની રાહ જોવી પડશે.
નોંધ : આ માહિતી ઇન્ટરનેટ પર ઉપલબ્ધ ધારણાઓ અને માહિતી પર આધારિત છે. OneIndia Gujarati આ લેખ સંબંધિત કોઈપણ ઇનપુટ અથવા માહિતીની ચકાસણી કરતું નથી. કોઈપણ માહિતી અને ધારણાઓ પર કાર્ય કરતા પહેલા અથવા લાગુ કરતા પહેલા સંબંધિત નિષ્ણાતની સલાહ લેવી જરૂરી છે.
Click it and Unblock the Notifications
Sign in with Google
