Vastu Tips: ઘરમાં વરસશે પૈસા, થશે ખુશીઓનો વરસાદ, અપનાવો આ નિયમ

By Desk

Published: Monday, March 11, 2024, 9:38 [IST]

Vastu Tips: તમે જે ઘરમાં રહો છો તે તમારા માટે કેવું છે તે તમારી સાથે બનેલી ઘટનાઓ પરથી જાણી શકાય છે. જો ઘરમાં રહેતી વખતે તમે સુખી, સમૃદ્ધ અને સ્વસ્થ રહેશો અને તમારી પાસે ધનનો પ્રવાહ સારો છે તો સમજી લેવું કે ઘરનું વાસ્તુ સાચું છે.

પરંતુ જો તમે તે ઘરમાં રહેવાનું શરૂ કરો પછી તમારી સાથે વિચિત્ર ઘટનાઓ બનવા લાગે છે, તમે અને તમારા પરિવારના સભ્યો બીમાર થવા લાગે, તમે આર્થિક તંગીનો સામનો કરવા લાગો, તો સમજી લો કે તે ઘર તમારા માટે શુભ નથી. જો એમ હોય તો, તમારે વાસ્તુના આ કેટલાક નિયમોનું પાલન કરવું જોઈએ, તમારી સાથે બધું સારું થવાનું શરૂ થઈ જશે.

વાસ્તુદોષ દૂર કરવા અપનાવો આ નિયમ

સૌ પ્રથમ, નવા ઘરમાં રહેવાનું શરૂ કરતા પહેલા, વાસ્તુ પૂજન કરવુ જોઈએ.
નવા ઘરમાં રામરક્ષા સ્તોત્ર, હનુમાન ચાલીસાનો પાઠ કરવો જોઈએ.
આર્થિક રીતે સમૃદ્ધ વ્યક્તિએ દર વર્ષે પોતાના ઘરે નવચંડીનો પાઠ કરાવવો જોઈએ.
વર્ષમાં એકવાર અમાસના દિવસે આખા ઘર પરથી દહીં, ચોખા અને નારિયેળ ઉતારીને બહાર ફેંકી દો.
શ્રી યંત્ર બધી નકારાત્મક ઉર્જાને શોષી લે છે, તેથી ઘરમાં શ્રી યંત્ર સ્થાપિત કરો અને દરરોજ શ્રીસૂક્તનો પાઠ કરો.
એક સ્વચ્છ કાચની બોટલ લો અને તેને શુદ્ધ પાણીથી ભરો. ગૌમૂત્ર, કપૂર, હિંગ અને વાયવડિંગનુ ચૂર્ણ બનાવી તેમાં ઉમેરો. આ બોટલમાંથી દરરોજ સવારે અને સાંજે ટોયલેટ અને બાથરૂમ સિવાય આખા ઘરમાં પાણી છાંટવું. આ પ્રયોગ 45 દિવસ સુધી કરો.
દરવાજા ખોલતી વખતે અને બંધ કરતી વખતે અવાજ ન હોવો જોઈએ. અલમારીમાં મહત્વના દસ્તાવેજો પૂર્વ તરફ મુખ કરીને રાખો.
જૂતા-ચંપલ અહીં-ત્યાં વેરવિખેર ન રાખવા જોઈએ અથવા ઊંધા ના હોવા જોઈએ નહીં. આ કંકાશ તરફ દોરી જાય છે.
શાકભાજીને કાપીને રસોડામાં જમીન પર ન રાખો. કાપેલા શાકભાજી હંમેશા થાળીમાં રાખો.
ધોયેલા કપડાને ગંદા કપડા સાથે ન રાખો.
બહારથી આવ્યા પછી જે કપડાં પહેરો છો તેને સીધા રાખો. ઘણા લોકો કપડાં ઉંધા લટકાવતા હોય છે.
જો તમે હજામત કરો છો, તો દરરોજ કરો. દાઢી કાં તો લાંબી અથવા ક્લીન શેવન હોઈ શકે છે. અધૂરી દાઢી ગરીબી તરફ દોરી જાય છે.
ડ્રોઈંગ રૂમમાં કે મુખ્ય દરવાજા પાસે મૃત લોકોની તસવીરો ન લટકાવો. મુખ્ય દરવાજા ઉપર તમારા ધર્મ અનુસાર દેવી-દેવતાઓના શુભ ચિન્હો અને ચિત્રો મુકો.