ચર્ચ નજીકથી મળ્યું 6 ઇંચનું 'એલિયનનું હાડપિંજર', 18 વર્ષ બાદ સામે આવી આ વાત
મનુષ્ય હવે ટેક્નોલોજીની રીતે ઘણો વિકાસ કરી ચૂક્યો છે, જેના કારણે અન્ય ગ્રહો પર જીવનની શોધ સતત થઈ રહી છે. ઘણી વખત પૃથ્વી પર કેટલાક લોકોએ એલિયન અથવા તેમના વાહન યુએફઓ જોયા હોવાનો દાવો પણ કર્યો હતો.
નવી દિલ્હી : મનુષ્ય હવે ટેક્નોલોજીની રીતે ઘણો વિકાસ કરી ચૂક્યો છે, જેના કારણે અન્ય ગ્રહો પર જીવનની શોધ સતત થઈ રહી છે. ઘણી વખત પૃથ્વી પર કેટલાક લોકોએ એલિયન અથવા તેમના વાહન યુએફઓ જોયા હોવાનો દાવો પણ કર્યો હતો, પરંતુ આજ સુધી તેના વિશે કોઈ નક્કર પુરાવા મળ્યા નથી. ઘણા વર્ષો પહેલા 6 ઇંચનું એલિયનનું હાડપિંજર પણ મળ્યું હતું, જે બિલકુલ એલિયન જેવું જ હતું. જેનું રહસ્ય હવે વૈજ્ઞાનિકોએ ઉકેલી નાખ્યું છે.
(સૌજન્ય : સિરિયસ ડિસ્ક્લોઝર ના ફોટા)
2003માં મળી આવ્યું હતું એલિયનનું હાડપિંજર
મીડિયા રિપોર્ટ્સ અનુસાર એક વ્યક્તિ ચિલીના અટાકામા રણમાં ખજાનો શોધી રહ્યો હતો. જે દરમિયાન 2003માં તેને એક ચર્ચ પાસે આ હાડપિંજર મળ્યું હતું. તેના પરચામડી ન હતી, પરંતુ માથાથી પગ સુધી હાડકાં હતાં. તેમજ તે માત્ર 6 ઈંચનું હતું.
સામાન્ય રીતે નવજાત બાળકો પણ એટલા નાના હોતા નથી, જેના કારણે તેનેએલિયનનું હાડપિંજર માનવામાં આવતું હતું.
પાંસળી પણ માણસો કરતાં નાની
જે દરમિયાન જ્યારે વૈજ્ઞાનિકોએ હાડપિંજરની તપાસ કરી, ત્યારે એક તરફ માત્ર 10 પાંસળી મળી હતી, જ્યારે સામાન્ય માનવીમાં તેની સંખ્યા 12 હોય છે. જેના કારણેએલિયનનું હાડપિંજર હોવાના દાવાને વધુ બળ મળ્યું હતું.
અહેવાલમાં કહેવામાં આવ્યું છે કે, એલિયનના હાડપિંજરના અવશેષને ચર્ચની નજીક, રિબનથી બાંધેલા સફેદકપડામાં લપેટીને ચામડાની થેલીમાં મૂકવામાં આવ્યું હતું. તે દરમિયાન તેનું નામ અતા રાખવામાં આવ્યું હતું.
2013 માં બની હતી ડોક્યુમેન્ટરી
શરૂઆતમાં કેટલાક નિષ્ણાતોએ દાવો કર્યો હતો કે, તે ગર્ભ છે, પરંતુ ઘણા લોકો એલિયનની થિયરીને વળગી રહ્યા હતા. જે બાદ વર્ષ 2013માં એલિયન્સ પર એકડોક્યુમેન્ટરી બનાવવામાં આવી હતી, જેમાં અતા દર્શાવવામાં આવી હતી.
આ પછી એલિયન્સની વાતને વધુ હવા મળી હતી. જે બાદમાં તેને સ્ટેનફોર્ડ યુનિવર્સિટી અનેસાન ફ્રાન્સિસ્કોની યુનિવર્સિટી ઓફ કેલિફોર્નિયાના વૈજ્ઞાનિકોને તપાસ માટે સોંપવામાં આવી હતી.
હવે સામે આવ્યું સત્ય
તાજેતરના અહેવાલ મુજબ, બંને યુનિવર્સિટીના વૈજ્ઞાનિકોએ તેને એલિયન્સના અવશેષો(એલિયનનું હાડપિંજર) તરીકે માનવાનો ઇન્કાર કર્યો હતો.
તેમને જાણવા મળ્યું કેઆ હાડપિંજર એક બાળકનું હતું, જે લગભગ 40 વર્ષ પહેલા મૃત્યુ પામ્યું હતું. તે સમયે તેના અસામાન્ય દેખાવ પાછળનું કારણ આનુવંશિક સ્થિતિ હોવાનું કહેવાય છે.
વૈજ્ઞાનિકો માને છે કે, બાળકનો વિકાસ યોગ્ય રીતે થયો ન હતો, તેથી હાડકાં અસામાન્ય દેખાતા હતા.
વામન હતું બાળક
વિવિધ અસ્થિ વિકૃતિઓ, ચહેરાના ખોડખાંપણ અથવા હાડપિંજરના ડિસપ્લેસિયા સહિતના અભ્યાસમાં સાત જનીનો પર સંશોધન કરવામાં આવ્યું હતું. સામાન્ય રીતેઆવા બાળકો જ્યારે મોટા થાય છે, ત્યારે તેમને વામન કહેવામાં આવે છે.
વૈજ્ઞાનિકો માને છે કે, આ વામન બાળક સમય પહેલા જન્મ્યું હતું અને તે પછી તરત જ મૃત્યુપામ્યું હતું. પાછળથી તેના માતા-પિતાએ તેને ચર્ચની નજીક અગ્નિસંસ્કાર આપ્યો હશે. જેનું હાડપિંજર બાદમાં ટ્રેઝર હન્ટ દ્વારા મળી આવ્યું હતું.
Click it and Unblock the Notifications
Sign in with Google
