લાખોની નોકરી છોડીને સમોસા વેચી રહ્યુ છે બેંગલુરુનુ આ દંપત્તિ, હવે રોજ કમાઈ રહ્યા છે 12 લાખ રુપિયા
દરેક ભારતીયનો ફેવરેટ નાસ્તો એટલે કે સમોસાએ બેંગલુરુના એક કપની જિંદગી બદલી દીધી છે. જેમણે લાખો રુપિયાની નોકરી છોડીને સમોસા વેચવાનુ શરુ કર્યુ. આવો જાણીએ સક્સેસ સ્ટોરી.
બેંગલુરુના એક કપલે લાખો રુપિયાની પ્રતિષ્ઠિત નોકરી છોડીને દરેક ભારતીયના ફેવરેટ સમોસા વેચવાનુ શરુ કર્યુ અને આજે તેમણે કેટલાય લોકોને રોજગાર આપ્યુ છે એટલુ જ નહિ પરંતુ તે એટલી કમાણી રહ્યા છે, જે જાણીને તમે ચોંકી જશો.
પતિ ચીફ સાયન્ટિસ્ટ અને પત્ની ફાર્મા કંપનીમાં કરતી હતી નોકરી
બેંગલુરુના આ દંપત્તિએ સમોસા વેચતા પહેલા સફળ કારકિર્દી બનાવી હતી. પતિ શિખર વીર સિંહ, ઇન્સ્ટિટ્યૂટ ઑફ લાઇફ સાયન્સ, હૈદરાબાદમાંથી બાયોટેકનોલોજીમાં એમટેક, બાયોકોનના મુખ્ય વૈજ્ઞાનિક તરીકે કામ કરતા હતા. તેણે ઓક્ટોબર 2015માં સમોસા વેચવા માટે નોકરી છોડી દીધી હતી. તેમની પત્ની નિધિ સિંહે પણ 2015માં ગુરુગ્રામની એક ફાર્મા કંપનીમાં 30 લાખ રૂપિયાની નોકરી છોડી દીધી હતી.
કેવી રીતે મળ્યા બંને
નિધિ સિંહ અને શિખર વીર સિંહ કોલેજકાળના મિત્રો હતા, તેઓ કુરુક્ષેત્ર યુનિવર્સિટી, હરિયાણામાંથી બાયોટેકનોલોજીમાં બી.ટેક કરી રહ્યા હતા. જ્યારે તેઓએ કોર્પોરેટ જગત છોડીને સમોસા વેચવાનું શરૂ કરવાનું નક્કી કર્યુ ત્યારે તેમના લગ્ન પાંચ વર્ષ થયા હતા.
સમોસા વેચવાનો આઈડિયા કોનો હતો?
નિધિ કહે છે કે સમોસા વેચવાનુ શરૂ કરવાનો વિચાર શિખરનો હતો. તે SBIની શાખાઓની બહાર સમોસા વેચવા માંગતો હતો. જોકે, નિધિ આ વિચાર સાથે સહમત ન હતી. નિધિ કહે છે કે મારા પતિ શિખર ગુડગાંવમાં ઓફિસ મીટિંગ દરમિયાન મને વારંવાર ફોન કરી રહ્યા હતા. જ્યારે મે ફોન રિસીવ કર્યો તો ચિડાઈને શિખરે કહ્યુ કે તે SBI બ્રાન્ચની સામે સમોસા વેચવા માંગે છે. એ સાંભળીને મને નવાઈ લાગી.
નિધિની ઈચ્છા નહોતી સમોસા વેચવાની
નિધિ કહે છે કે મે તેને શાંતિથી તેના વૈજ્ઞાનિકના વ્યવસાય પર ધ્યાન કેન્દ્રિત કરવાની સલાહ આપી કારણ કે મારા પિતા મારા પતિ તરીકે સમોસા વેચનારને ક્યારેય સહન કરશે નહીં, પરંતુ શિખરને સમોસા વેચવાનું ઝનૂન હતુ, તે સંમત ન થયો અને તેણે સમોસાનુ આઉટલેટ ખોલ્યુ. શરૂ કરતા પહેલા, પ્રયોગ શરૂ કર્યો અને સમોસાના સ્વાદ અને વિવિધતા વિશે સંશોધન કર્યુ.
શું ખાસ છે સમોસા સિંહમાં?
નિધિ કહે છે કે તે દિવસથી શિખરે દરેક જગ્યાએ તેના સમોસા બતાવવાનુ શરૂ કર્યુ. નિધિ આત્મવિશ્વાસ ધરાવતી હતી પણ તે જાણતી હતી કે તેને સમયની જરૂર છે. શિખરે ઘણા બધા સમોસા સ્ટફિંગનો ઉપયોગ કર્યો અને ક્રિસ્પી આઉટર લેયર પર કામ કર્યુ. નિધિએ કહ્યુ કે અમે ઘણી ફિલિંગ્સ સાથે ટેસ્ટ કર્યો અને ઘણી વેરાયટી લાવવાનો પ્રયાસ કર્યો. બટર ચિકન અથવા કડાઈ પનીર જેવા ફિલિંગ માટે ક્રિસ્પી બાહ્ય આવરણને તોડવુ એ સૌથી મુશ્કેલ કામ હતુ. અમે લોટ સાથે એક અલગ બાહ્ય પડ સાથે પ્રયોગ કર્યો અને સમોસાનો આકાર પણ બદલ્યો.
સમોસા સિંહ આઉટલેટ માટે ક્યાંથી મેળવી રકમ
નિધિએ જણાવ્યુ કે અમને સમોસા સિંઘ આઉટલેટ શરૂ કરવા માટે પૈસાની જરૂર હતી અને અમે માનીએ છીએ કે અમે યોગ્ય કામ કરી રહ્યા છીએ તેથી અમે મેજિક બ્રિક્સ દ્વારા અમારા સપનાનુ ઘર રૂ. 80 લાખમાં વેચી દીધું. નિધિએ કહ્યુ કે અમને દુઃખ નથી લાગ્યુ કારણ કે અમે માનતા હતા કે આ પૈસા વેડફાશે નહીં.
એક દિવસમાં કરી રહ્યા છે 12 લાખની કમાણી
ફેબ્રુઆરી 2016માં સમોસા સિંહ આઉટલેટ શરૂ કર્યુ પરંતુ કોરોનામાં બ્રેક લાગી ગયો. કોરોના મહામારી પછી, સમોસા સિંહે મુંબઈ, પુણે અને ચેન્નઈ સહિત આઠ શહેરોમાં વિસ્તરણ કર્યુ છે. તેમની પાસે લગભગ 50 ક્લાઉડ કિચન છે. સમોસા સિંહ દર મહિને 30,000 સમોસા વેચે છે અને તેનુ ટર્નઓવર 45 કરોડ રૂપિયા છે. દરરોજની કમાણી 12 લાખ રૂપિયા.
Click it and Unblock the Notifications
Sign in with Google
