કાશી વિશ્વનાથના દર્શને આવેલા વ્યક્તિએ વેજ બિરયાની મંગાવતા હોટલે ચિકન બિરયાની પધરાવી દીધી, શું છે પુરી ઘટના?

સામાન્ય રીતે હોટલમાં ઘણી વખત એવુ બને કે તમે ઓર્ડર કરેલી વસ્તુની જગ્યાએ કોઈ અન્ય વસ્તુ આવે. પરંતુ વારાણશીમાં એક ચૌકાવનારી ઘટના સામે આવી છે. અહીં કાશી વિશ્વનાથના દર્શને પહોંચેલા એક વ્યક્તિને હોટલે વેજની જગ્યાએ ચિકન બિરયાની પધરાવી દીધી.

એક ટ્વિટર યુઝરે તેની સાથે બનેલી આ વિચિત્ર ઘટનાનો ઉલ્લેખ ટ્વિટ કરીને કર્યો છે. આ ટ્વિટ સાથે તેને બિરયાની અને બિલનો વીડિયો પણ પોસ્ટ કર્યો છે. તેના દાવા અનુસાર, તેના મિત્રએ પનીર બિરયાનીનો ઓર્ડર આપ્યો હતો પરંતુ તેના બદલે તેને ચિકનના ટુકડાવાળી આઈટમ આપી દેવાઈ.

ટ્વિટર યુઝર અશ્વિની શ્રીવાસ્તવે વારાણસીમાં પોતાના અનુભવ વિશે વાત કરતા બે વીડિયો શેર કર્યા છે. આમાં વેજીટેબલ પનીર બિરયાનીનું બિલ પણ બતાવવામાં આવ્યું છે. તેણે તેને ફૂડ એગ્રીગેટ એપ Zomato દ્વારા ઓનલાઈન ઓર્ડર કર્યો હતો. આગળની ક્લિપમાં તેને અપાયેલી ચિકન દેખાઈ રહી છે.

જો કે આ વ્યક્તિને શરૂઆતમાં ખબર ન પડી પરંતુ જ્યારે ટેસ્ટ કર્યો ત્યારે ખબર પડી કે તે પનીર નહીં પણ કંઈક બીજું છે. યુઝરે તેના આ અનુભવને વિગતે ટ્વીટમાં જણાવ્યો છે.

My friend is in Varanasi with his family during this holy month of Sawan. He had ordered family pack Paneer veg biryani (worth ₹ 1228) from the famous '@BehrouzBiryani' through @zomato, but they made them eat chicken biryani instead! @deepigoyal

This family never eats meat, but… pic.twitter.com/ogsNwblU4d

— Ashwini Shrivastava (@AshwiniSahaya) July 8, 2023

ત્યારપછી તેણે ફરિયાદ માટે બેહરોઝ બિરયાનીને કોલ કર્યો તો તેને Zomatoનો સંપર્ક કરવા કહ્યું. જ્યારે તેણે ઝોમેટોને ફોન કર્યો ત્યારે તેને હોટલનો સંપર્ક કરવા કહ્યું.

ઘટના બાદ Zomato અને Behrouz Biryani બંનેએ ટ્વીટનો જવાબ આપ્યો અને તરત જ વાયરલ વીડિયો પર પ્રતિક્રિયા આપી. Zomatoએ લખ્યું કે અશ્વિની અમે આ ઘટના માટે દિલગીર છીએ. એવું કંઈ કરવાનો અમારો ઈરાદો નહોતો. અમે તરત જ તેની તપાસ કરાવીશું.

English summary

Man ordering veg biryani, hotel sends chicken biryani, know what is the whole incident?