ફ્લાઇટમાં પેસેન્જરનું ખરાબ થયું પેટ, પાયલટે લીધો આવો નિર્ણય

Published: Wednesday, October 4, 2023, 16:12 [IST]

ઇન્ટરનેટની દુનિયામાં લોકો અજીબોગરીબ કિસ્સા શેર કરતા રહે છે. આવી જ એક ઘટના અમેરિકાથી સ્પેન જઇ રહેલી ડેલ્ટા ફ્લાઇટમાં ઘટી હતી. આ ફ્લાઇટમાં સવાર એક યાત્રીને ઝાડા થઇ જવાના કારણે યુ-ટર્ન લઇ જવાની ફરજ પડી હતી. ફ્લાઇટ રિટર્ન લેવાનો નિર્ણય પાયલટ દ્વારા મુસાફરના હિતમાં લેવામાં આવ્યો હતો.

ગત શુક્રવારે રાત્રે અમેરિકાના એટલાન્ટાથી બાર્સેલોના, સ્પેનની ફ્લાઈટ બે કલાકના વિલંબથી ઉપડી હતી. પાયલટ અને એર ટ્રાફિક કંટ્રોલ વચ્ચેની વાતચીતનો એક અંશો X (અગાઉ ટ્વિટર) પર શેર કરવામાં આવ્યો હતો. આ વાતચીત દર્શાવે છે કે, ફ્લાઇટના યુ-ટર્નનું કારણ ટેકનિકલ ખામી નહીં, પરંતુ મેડિકલ ઇમરજન્સી હતી.

પાયલટે કટોકટીની સ્થિતિને જૈવ જોખમી સમસ્યા ગણાવી હતી. પાયલોટે એર ટ્રાફિક કંટ્રોલને કહ્યું કે, અમારી પાસે પ્લેનમાં એક પેસેન્જરને ઝાડા થઇ ગયા હતા, તેથી તેઓ ઈચ્છે છે કે, અમે તેને એટલાન્ટા પાછા લઈ જઈએ.

અહેવાલો અનુસાર, તમામ મુસાફરો અને ક્રૂ મેમ્બર્સને બીજી ફ્લાઈટમાં ટ્રાન્સફર કરવામાં આવ્યા હતા. ફ્લાઇટ એટલાન્ટા પરત ફરતાંની સાથે જ પ્લેનને સંપૂર્ણ રીતે સાફ કરવામાં આવ્યું હતું, જેના કારણે તેના મૂળ સમય કરતાં આઠ કલાકનો વિલંબ થયો હતો.

ડેલ્ટા અધિકારીઓએ પુષ્ટિ કરી કે ફ્લાઇટમાં તબીબી સમસ્યા હતી, જેના કારણે ઇમરજન્સી લેન્ડિંગ અને ત્યારબાદ સફાઈ કરવામાં આવી હતી. જોકે, તેમણે ઘટનાના તબીબી કારણ વિશે ચોક્કસ વિગતો આપી ન હતી.

A Delta Airlines Airbus A350 turned around back to Atlanta Friday night because of diarrhea throughout the airplane from a passenger and it’s a biohazard. 👀🥴

The FAA flight strip for DL194 was posted to Reddit (📷xStang05x) Also a passenger posted here asking why her son’s… pic.twitter.com/VWbkB47wF1
— Thenewarea51 (@thenewarea51) September 3, 2023

આ વીડિયો X પર @thenewarea51 નામના એકાઉન્ટ દ્વારા શેર કરવામાં આવ્યો હતો. આ વીડિયો અને સ્ક્રીનશોટ શેર કરતાં યુઝરે લખ્યું હતું કે, પેસેન્જર પ્લેનમાં ઝાડાને કારણે ડેલ્ટા એરલાઈન્સની એરબસ A350 શુક્રવારે રાત્રે એટલાન્ટા પરત ફરી હતી અને તે બાયોહેઝાર્ડ છે.

Reddit પર પોસ્ટ કરવામાં આવેલા DL194 માટેની FAA ફ્લાઇટ સ્ટ્રીપ પણ, એક મુસાફરે પૂછ્યું હતું કે, અહીં પોસ્ટ કર્યું હતું. શા માટે તેમના પુત્રની ફ્લાઈટે યુ-ટર્ન લીધો હતો.

Published On October 4, 2023