3 લાખ રૂપિયે કિલો વેચાય છે આ દુર્લભ કેરી, જાણો શું છે ખાસિયત?
કેરી તમામ ફળોનો રાજા છે. સિઝન આવતા જ લોકો કેરી ખાવા માટે તલપાપડ જોવા મળે છે. દુનિયામાં વિવિધ પ્રકારની કેરીઓ જોવા મળે છે ત્યારે એક કેરી એવી પણ છે જે અધધ 3 લાખ રૂપિયે કિલો વેચાય છે.
સામાન્ય રીતે ભારતમાં 100 રૂપિયા આસપાસ કેરીઓ વેચાય છે. સારી ક્વોલિટીની કેરીઓ મોંધી તો ઉતરતી ક્વોલિટીની કેરી સસ્તી વેચાય છે. આજે જે કેરીની વાત આપણે કરી રહ્યા છીએ તે દુનિયામાં જોવા મળતી દુર્લભ કેરીઓમાંથી એક છે.
તાઇયો નો તામાગો નામે જાણીતી આ દુર્લભ જાતની કેરી માત્ર અમીરો જ ખાઈ શકે છે. જાપાનમાં પાકતી આ અતિ મોંધી કેરીની ખેતી હવે દુનિયાના અન્ય દેશોમાં પણ શરૂ થઈ છે. સામાન્ય રીતે આ કેરીના ભાવ 3600 ડોલર આસપાસ રહે છે. ભારતમાં આ રકત ત્રણ લાખ આસપાસ થાય.
આ મુદ્દે નિષ્ણાતો જણાવી રહ્યા છે કે, આ કેરીને એગ ઓફ ધ સનના નામે પણ ઓળખવામાં આવે છે. અગાઉ તે માત્ર જાપાનના મિયાઝાકી પ્રાંતમાં જોવા મળતી હતી. આ કેરીના ઝાડને સુરક્ષિત જગ્યાએ વાવવામાં આવે છે. તેમાં ઉનાળા અને શિયાળાની ઋતુ વચ્ચે કેરીઓ આવે છે.
આ કેરીને જાળીદાર કવરથી ઢાંકી દેવાય છે. જેના કારણે કેટલાક ભાગોને સૂર્યપ્રકાશ મળે છે અને જ્યારે કેટલાક ભાગોને નહીં. આનાથી તે રંગીન બની જાય છે. જ્યારે આ કેરી પાકે છે ત્યારે તે તૂટીને જાળીમાં પડી જાય છે. પછી તેને બજારમાં સારી કિંમતે વેચવામાં આવે છે.
આ કેરીની ખેતી સાવધાની સાથે થાય છે. ખેડૂતો તેને જાતે તોડતા નથી. પાકીને નીચે પડે પછી જ તેને વેચવામાં આવે છે. જો તોડવામાં આવે તો તેનો સ્વાદ ગુમાવી દે છે.
આ કેરી મીઠી અને ઓછી રેસાવાળી હોય છે. તેમાં અનાનસ અને નાળિયેર જેવો હળવો સ્વાદ જોવા મળે છે. આ કેરી ખૂબ જ દુર્લભ છે. 2017માં માત્ર બે કેરી 2.70 લાખમાં વેચાઈ હતી.
Click it and Unblock the Notifications
Sign in with Google
