Trending News : ખતરનાક છે આ જનજાતિના લોકો, કોઇ કરી શકતું નથી ટાપુ પર જવાની હિંમત
Trending News : સમગ્ર દુનિયમાં ઘણી જનજાતિઓ જંગલમાં વસવાટ કરે છે, અને પરંપરાગત રીતે પોતાનું જીવન જીવે છે. આવા સમયે એવી ઘણી જનજાતિઓ છે, જેઓ ઘણા અજીબોગરીબ પરંપરા નિભાવે છે.
આજે આપણે જનજાતિઓની પરંપરા વિશે જાણીશું. આ જનજાતિના લોકો દુનિયાથી પરે પોતાની અલગ દુનિયા બનાવીને જીવે છે.
આંદામાન દ્વીપસમૂહનો સેન્ટિનેલ દ્વીપ ખૂબ જ રહસ્યમય છે, અહીં જારાવા નામની આદિજાતિ જોવા મળે છે. ઉલ્લેખનીય છે કે, નવાઈ લાગશે કે, અહીં બહારના લોકોને જવાની પરવાનગી નથી, કારણ કે અહીં જવું ઘાતક સાબિત થઈ શકે છે. એટલું જ નહીં, ભારત સરકારે સત્તાવાર રીતે અહીં આવવા પર પ્રતિબંધ મૂક્યો છે.
જારાવા આદિવાસીઓ સેન્ટીનેલ આઇલેન્ડ અને આંદામાનના અન્ય ટાપુ ઓંગેમાં રહે છે. એવું કહેવાય છે કે, હવે જારાવા જાતિના લગભગ 400 લોકો જ જીવિત છે. સેન્ટીનેલ આઇલેન્ડમાં રહેતી જારાવા આદિવાસીઓ સેન્ટીનેલીઝ તરીકે પણ ઓળખાય છે.
જારાવા જાતિના લોકો ધનુષ અને તીર વડે ભૂંડ, કાચબા અને માછલીનો શિકાર કરીને પેટ ભરે છે. આ ઉપરાંત આ લોકો ફળો, મૂળ શાકભાજી અને મધ ખાય છે. ખાસ વાત એ છે કે, આ એકમાત્ર આદિજાતિ છે, જેની આંતરિક બાબતોમાં ભારત સરકાર પણ હસ્તક્ષેપ કરતી નથી.
એટલું જ નહીં, ઉદ્યોગપતિઓ, સરકારી અધિકારીઓ, પોલીસ અને સેનાને પણ આ જગ્યા પર જવાની પરવાનગી નથી. તેની પાછળનું કારણ એવું કહેવાય છે કે, આ ટાપુ પરથી પાછા ફરવું લગભગ અશક્ય છે.
આ આદિજાતિ ખૂબ જ ખતરનાક છે અને તેમને ત્યાં કોઈ આવે તે પસંદ નથી. આ લોકોને બહારની દુનિયા સાથે સંપર્ક રાખવાનું પસંદ નથી. જો તેઓ બહારના વ્યક્તિ સાથે મુકાબલો થાય છે, તો તેઓ હિંસક બની જાય છે.
અહેવાલો અનુસાર, 2004માં સુનામી બાદ આંદામાન ટાપુઓ પર ભારે તબાહી સર્જાઈ હતી, આવી સ્થિતિમાં ભારતીય કોસ્ટ ગાર્ડની ટીમે આ જનજાતિની સ્થિતિ જાણવા ત્યાં જવાનો નિર્ણય કર્યો, પરંતુ આ લોકોએ આગના તીરો દ્વારા હેલિકોપ્ટર ઉડાવી દીધું હતું.
આ પછી ત્યાં જવાનો પ્રયાસ અટકાવી દેવામાં આવ્યો હતો. વર્ષ 2006માં કેટલાક માછીમારો ભૂલથી આ ટાપુ પર પહોંચી ગયા હતા, જે તેમના માટે ખૂબ જ ખરાબ સાબિત થયું હતું. આ જાતિના લોકોએ તેને જીવતો છોડ્યો ન હતો.
આ ખતરનાક ટાપુ ભારતનો એક ભાગ છે, પરંતુ તેની સાથે જોડાયેલા ઘણા રહસ્યો હજુ પણ અકબંધ છે. કહેવાય છે કે, આ જનજાતિનું અસ્તિત્વ 60 હજાર વર્ષ જૂનું છે. તેમના રીતિ-રિવાજો, બોલવા-ચાલવા અને રહેણીકરણી વિશે વધુ માહિતી મળી શકતી નથી.
Click it and Unblock the Notifications
Sign in with Google
