અર્ધ ગોળાકાર જ કેમ દેખાય છે મેઘધનુષ? પુરૂ ગોળ પણ હોય છે કે નહીં?

વરસાદ વરસ્યા બાદ આકાશમાં તમે રંગબેરંગી મેઘધનૂષ તો ઘણી વખત જોયુ હશે. જો કે તમે મોટા ભાગે કોઈ એક ખુણામાં અર્ધ ગોળાકાર આકારમાં જ મેઘધનૂષને જોયુ હશે. વરસાદના ટીપાઓ પર સુર્યની રોશની બાદ બનતા મેઘધનૂષ વિશે ઘણી એવી બાબતો છે જે સામાન્ય લોકો નથી જાણતા.

સામાન્ય રીતે તમને પહેલી નજરમાં મેઘધનુષ અર્ધગોળાકાર આકારમાં જ દેખાય છે. જો કે તમને જાણીને નવાઈ લાગશે કે આ તેનો સાચો આકાર નથી. ઈન્દ્રધનુષ તમને પુરૂ નથી દેખાતુ એટલા માટે તે અધુરૂ દેખાય છે. હકિકતમાં ઈન્દ્રધનૂષ પુરૂ ગોળ હોય છે.

આપણે જાણીએ છીએ એ મુજબ પૃથ્વી ગોળ છે અને આ જ કારણ છે કે મેઘધનુષ માત્ર અર્ધ ગોળાકારમાં જ દેખાય છે. પૃથ્વીના ગોળાકાર આકારને લીધે મેઘધનુષનો માત્ર અડધો ભાગ દેખાય છે.

તમન જાણીને નવાઈ લાગશે કે મેઘધનુષ જ્યાંથી દેખાય છે ત્યાંથી ઘણુ દુર હોય છે. પૃથ્વીના ગોળાકાર આકારને કારણે તે નીચે દેખાય છે અને અડધુ દેખાય છે. આ જ કારણ છે કે આપણે માત્ર અડધુ જ જોઈ શકીયે છીએ.

હવે તમને સવાલ થતો હશે કે પુરૂ મેઘધનુષ ક્યાંથી દેખાય તો આ સવાલનો બહુ આસાન જવાબ છે. જો તમે પૃથ્વી પર ઉંચાઈથી જોશો તો આ શક્ય છે. તમે ફ્લાઈટમાં ટ્રાવેલ કરતી વખતે પુરૂ મેઘધનુષ જોઈ શકો છો.

મોટાભાગના લોકોએ એક વાત નથી જાણતા કે મેઘધનુષ હંમેશા સૂર્યની વિરુદ્ધ દિશામાં જ દેખાય છે. જો તમે મેઘધનુષ જોઈ રહ્યા છો તો તમારો ચહેરો સુર્યની વિરૂદ્ધ દિશામાં હશે. આ જ કારણ છે કે તે સવારે પશ્ચિમ દિશામાં અને સાંજે પૂર્વ દિશામાં જોવા મળે છે.

English summary

Why does the rainbow look semi-circular? Is it even round or not?