ઓગસ્ટની શરૂઆત રાહતભરી, કોમર્શિયલ LPG ગેસ સિલિન્ડરના ભાવમાં ઘટાડો, જાણો નવી કિંમત
LPG Cylinder Price: આજથી કોમર્શિયલ LPG ગેસના ભાવ ઘટશે. ઓઇલ માર્કેટિંગ કંપનીઓએ કોમર્શિયલ LPG ગેસ સિલિન્ડરના ભાવમાં સુધારો કર્યો છે. શુક્રવારથી 19 કિલોગ્રામ કોમર્શિયલ LPG ગેસ સિલિન્ડરના ભાવમાં 33.50 રૂપિયાનો ઘટાડો કરવામાં આવ્યો છે. દિલ્હીમાં 19 કિલોગ્રામ કોમર્શિયલ LPG સિલિન્ડરનો છૂટક વેચાણ ભાવ 1 ઓગસ્ટ 2025થી 1631.50 રૂપિયા થશે. આ ફેરફાર ઘણા વ્યવસાયો પર સકારાત્મક અસર કરશે, ખાસ કરીને એવા વ્યવસાયો પર જે તેમના રોજિંદા કામકાજ માટે LPG પર ખૂબ નિર્ભર છે.
ઘરેલુ સિલિન્ડરના ભાવમાં કોઈ ફેરફાર થયો નથી
માહિતી અનુસાર, કોમર્શિયલ LPG સિલિન્ડરના ભાવમાં ઘટાડો જોવા મળ્યો છે, જ્યારે 14.2 કિલોગ્રામના ઘરેલુ સિલિન્ડરના ભાવમાં કોઈ ફેરફાર થયો નથી. ભાવમાં સ્થિરતા એવા પરિવારોને સ્થિરતા પ્રદાન કરશે જે રસોઈ અને અન્ય ઘરગથ્થુ જરૂરિયાતો માટે LPG પર આધાર રાખે છે. આ વર્ષે 8 એપ્રિલથી ઘરેલુ સિલિન્ડરના ભાવ યથાવત છે. ભારતમાં ઘરેલુ LPG અપનાવવામાં ઝડપી વૃદ્ધિ જોવા મળી છે, છેલ્લા દાયકામાં કનેક્શન બમણા થઈને એપ્રિલ 2025 સુધીમાં લગભગ 33 કરોડ ઘરો સુધી પહોંચી ગયા છે.
સતત 5મી વખત ઘટાડો
છેલ્લી વખત જાન્યુઆરીથી માર્ચ દરમિયાન ગેસ સિલિન્ડરના ભાવમાં વધારો જોવા મળ્યો હતો. ત્યારબાદ એપ્રિલથી સતત 5 વખત ભાવ ઘટી રહ્યા છે. 1 જુલાઈએ સિલિન્ડરમાં 58.50રૂપિયાનો ઘટાડો જોવા મળ્યો છે. આ સાથે આ વખતે પણ14 કિલોગ્રામના ઘરેલુ સિલિન્ડરના ભાવમાં કોઈ ફેરફાર જોવા મળી રહ્યો નથી.
LPG સિલિન્ડરની કિંમત
14.03 કિલોગ્રામના ઘરેલુ LPG સિલિન્ડરનો ભાવ 8 એપ્રિલ, 2025થી બદલાયો નથી. દિલ્હીમાં તેની કિંમત 853 રૂપિયા છે, જ્યારે મુંબઈમાં 852.50 રૂપિયા, લખનૌમાં 890.50રૂપિયા, પટનામાં 942.50 રૂપિયા, હૈદરાબાદમાં 905 રૂપિયા અને ગાઝિયાબાદમાં 850.50 રૂપિયા છે.
Click it and Unblock the Notifications
Sign in with Google
