ઉંચો કર ચૂકવનારાઓ માટે 5 ટેક્સ ફ્રી બોન્ડ્સ

Updated: Wednesday, October 29, 2014, 17:07 [IST]

જો આપ 20 ટકા કે 30 ટકાના ટેક્સ બ્રેકેટમાં આવતા હોવ તો ફિક્સ વ્યાજવાળા રોકાણ સાધનમાં રોકાણ કરવા માટે ટેક્સ ફ્રી બોન્ડ્સ શ્રેષ્ઠ વિકલ્પ છે. ટેક્સ ફ્રી બોન્ડ એનએસઇમાં લિસ્ટેડ થયેલા હોય છે. તેમાંથી કેટલાક બોન્ડ BSEમાં પણ લિસ્ટેડ છે. આ ટેક્સ ફ્રી બોન્ડ હોવાથી તેનું વ્યાજ કરમુક્ત છે. અમે અહીં આવા જ કેટલાક ટોચના ટેક્સ ફ્રી બોન્ડ અંગે આપને જણાવીશું. વધુ વિગતો જાણવા માટે આગળ ક્લિક કરો...

હુડકો એન2 સિરીઝ ટેક્સ ફ્રી બોન્ડ્સ

હુડકો એન2 સિરીઝ ટેક્સ ફ્રી બોન્ડ્સ વર્તમાન સમયમાં રૂપિયા 1125ના ભાવે ટ્રેડ થઇ રહ્યા છે. તેમાં 8.2 ટકાનો કુપન રેટ છે. તેના પર માર્ચ મહિનામાં વ્યાજ ચૂકવવામાં આવે છે. તેને સરકારી પીઠબળ હોવાથી તે સુરક્ષિત છે.

એનઆરએફસી એન2 ટેક્સ ફ્રી બોન્ડ્સ

એનઆરએફસી એન2 ટેક્સ ફ્રી બોન્ડ્સ રૂપિયા 1065 પર ટ્રેડ થઇ રહ્યા છે. તેના પર 8.1 ટકાનું વ્યાજ મળે છે. તેના પર 15 ઓક્ટોબર, 2014માં વ્યાજ ચૂકવવામાં આવ્યું હતું. ઇન્ડિયન રેલવે ફાઇનાન્સ કોર્પોરેશન સરકારી નિયંત્રણ હેઠળની કંપની હોવાથી તે સુરક્ષિત છે.

NHAI N1 સિરીઝ ટેક્સ ફ્રી બોન્ડ્સ

NHAI N1 સિરીઝ ટેક્સ ફ્રી બોન્ડ્સ 8.2 ટકાનું વ્યાજ આપે છે. આ બોન્ડ એનએસઇમાં રૂપિયા 1070ના ભાવે ટ્રેડ થાય છે. તેનું વ્યાજ 1 ઓક્ટોબર, 2014ના રોજ ચૂકવવામાં આવે છે.