પેટ્રોલ-ડીઝલમાં રાહતઃ સતત 15 દિવસ સ્થિર રહ્યા બાદ ઘટ્યા ભાવ, જાણો આજનો રેટ
સતત 15 દિવસની સ્થિરતા બાદ આજે પેટ્રોલ-ડીઝલના ભાવોમાં ઘટાડો થયો છે.
નવી દિલ્લીઃ સતત 15 દિવસની સ્થિરતા બાદ આજે પેટ્રોલ-ડીઝલના ભાવોમાં ઘટાડો થયો છે. ક્રૂડ ઓઈલ કંપનીઓ અનુસાર પેટ્રોલ-ડીઝલના ભાવોમાં 16 પૈસા પ્રતિ લિટર સુધીનો ઘટાડો કરવામાં આવ્યો છે. નવા ફેરફાર સાથે રાજધાની દિલ્લીમાં આજે પેટ્રોલ 90.40 રૂપિયા પ્રતિ લિટર જ્યારે ડીઝલ 80.73 રૂપિયા પ્રતિ લિટરના ભાવે વેચવામાં આવી રહ્યુ છે. જ્યારે મુંબઈમાં આજે પેટ્રોલ 96.83 રૂપિયા પ્રતિ લિટર જ્યારે ડીઝલ 87.81 રૂપિયા પ્રતિ લિટર છે.
પેટ્રોલ-ડીઝલના ભાવોમાં પ્રતિ દિવસ સવારે 6 વાગ્યાથી ફેરફાર કરવામાં આવે છે. આ પહેલા ગયા મહિને 30 તારીખે પણ ઈંધણના ભાવમાં ઘટાડો કરવામાં આવ્યો હતો. દિલ્લી, મુંબઈ ઉપરાંત ચેન્નઈમાં પેટ્રોલ 92.43 રૂપિયા જ્યારે ડીઝલ 85.73 રૂપિયા પ્રતિ લિટરના રેટ પર વેચવામાં આવી રહ્યુ છે.
આ ઉપરાંત કોલકત્તામાં પેટ્રોલ 90.62 રૂપિયા જ્યારે ડીઝલ 83.61 રૂપિયા પ્રતિ લિટર છે. વળી, આંતરરાષ્ટ્રીય બજારમાં ક્રૂડ ઓઈલના ભાવમાં 5 ટકાનો વધારો જોવા મળ્યો છે. બુધવારે અમેરિકામાં ક્રૂડ ઓઈલની કિંમત 4.24 ટકા વધીને 66.,67 ડૉલર પ્રતિ બેરલ રહી.
ચારધામ યાત્રા 2021: આજથી ઑનલાઈન બનશે ગ્રીન કાર્ડ