સેવિંગ એકાઉન્ટમાં ઊંચું વ્યાજ આપતી બેંકો

જો આપ બચત ખાતામાં વધારે રકમ રાખતા હોવ તો આપે તે જ બેંકમાં ખાતુ ચાલુ રાખવા અંગે વિચાર કરવો જોઇએ. કારણ કે બેંકોના બચત ખાતામાં સામાન્ય રીતે વાર્ષિક 4 ટકા જેટલું જ વ્યાજ આપવામાં આવતું હોય છે. અહીં અમે તમને એવી પાંચ બેંકો અંગે જણાવી રહયા છીએ જે અન્ય બેંકોના બચત ખાતાની સરખામણીએ વધારે વ્યાજ આપે છે. આ બેંકો વિશે જાણતા પહેલા એક બાબત ધ્યાનમાં રાખવી જરૂરી છે કે ઊંચા વ્યાજનો લાભ મેળવવા માટે બચત ખાતામાં મીનિમમ માસિક બેલેન્સ રાખવું જરૂરી છે. આમ નહીં થાય ત્યારે આપને પેનલ્ટી લાગી શકે છે.

યસ બેંક

યસ બેંક સેવિંગ બેંક એકાઉન્ટમાં 7 ટકા જેટલું વ્યાજ આપે છે. તેમાં વિવિધ સુવિધા જેમ કે નેટ બેંકિંગ, પર્સનલ એક્સિડન્ટ ઇન્શ્યોરન્સ, નેટ બેંકિંગ મારફતે નિ:શુલ્ક યુટિલિટી બિલ પેમેન્ટ કરી શકાય છે.

ઇન્ડસઇન્ડ બેંક

ઇન્ડસઇન્ડ બેંકમાં રૂપિયા 1 લાખ સુધીની રકમ પર 5.5 ટકા અને રૂપિયા 1 લાખથી વધારેની રકમ પર 6 ટકા વ્યાજ મળે છે.

રત્નાકર બેંક

રત્નાકર બેંક 1 લાખ સુધીની રકમ પર 5.50 ટકા, 1 લાખથી વધુની અને 50 લાખ સુધીની રકમ પર 6.1 ટકા અને રૂપિયા 50 લાખથી વધારેની રકમ પર 7 ટકા વ્યાજ આપવામાં આવે છે.

કોટક મહિન્દ્રા બેંક

કોટક મહિન્દ્રા બેંકમાં રૂપિયા 1 લાખ સુધીની રકમ પર 5.5 ટકા અને રૂપિયા 1 લાખથી વધારેની રકમ પર 6 ટકા વ્યાજ આપવામાં આવે છે.

અન્ય બેંક

આ સિવાયની બેંકોમાં બચત ખાતામાં મોટા ભાગે 4 ટકાનું વાર્ષિક વ્યાજ આપવામાં આવે છે.

English summary

Banks that offer highest interest rate on savings bank accounts.