SBI એકાઉન્ટ ધારક સાવધાન! ATM કાર્ડથી ચોરાઈ રહી છે તમારા એકાઉન્ટની માહિતી

બેંકિંગના ફ્રોડના કેશમાં સતત વધારો થઇ રહ્યો છે. ATM કાર્ડની ક્લોનિંગ કરીને હેકરો મિનિટમાં તમારા એકાઉન્ટમાંથી પૈસા ઉપાડી લે છે.

Updated: Sunday, April 14, 2019, 14:43 [IST]

બેંકિંગના ફ્રોડના કેશમાં સતત વધારો થઇ રહ્યો છે. ATM કાર્ડની ક્લોનિંગ કરીને હેકરો મિનિટમાં તમારા એકાઉન્ટમાંથી પૈસા ઉપાડી લે છે. આવામાં આજે અમે તમને જણાવી રહ્યા છીએ કે તમારા ડેબિટ-ક્રેડિટ કાર્ડથી તમારા એકાઉન્ટ માહિતી કેવી રીતે લેવામાં આવે છે અને પછી તે માહિતીની સહાયથી તમારા એકાઉન્ટમાં ફ્રોડ કરે છે.

આ પણ વાંચો: ખુશ ખબર! SBI સહિતની આ 6 મોટી બેન્કોએ આપી ભેટ, હોમ-કાર લોન સસ્તી

ATM કાર્ડથી એકાઉન્ટની માહિતી કેવી રીતે ચોરી થાય છે

ક્રેડિટ-ડેબિટ કાર્ડ દ્વારા બેંક એકાઉન્ટની માહિતી ચોરી થવાના મોટાભાગના કેસોમાં ક્લોનિંગ કેસો સૌથી વધુ આવે છે. ક્લોનિંગ દ્વારા લોકો બેંક એકાઉન્ટની માહિતીને હેક કરે છે અને પછી તમારા એકાઉન્ટમાં ફ્રોડ કરે છે. ક્લોનિંગ એટલે કે તમારા ક્રેડિટ-ડેબિટ કાર્ડનું ડુપ્લિકેટ કાર્ડ બનાવવું. મોટાભાગના કિસ્સાઓમાં શોપિંગ દરમિયાન, રેસ્ટોરન્ટમાં ભોજન ખાવા પછી બિલ ચૂકવવા માટે, પેટ્રોલ પંપ પર પેટ્રોલ પુરાવ્યા પછી પેમેન્ટ ચૂકવતી વખતે તમારા કાર્ડની ક્લોનિંગ થઈ શકે છે.

ક્લોનીંગ કેવી રીતે થાય છે

ATM સ્વાઇપ મશીનમાં કાર્ડ સ્કીમર ઉપકરણ દ્વારા હેકર તમારા ક્રેડિટ-ડેબિટ કાર્ડ વિશેની માહિતી એકત્રિત કરી લે છે. કાર્ડને સ્વાઇપ કરતી વખતે, તે કાર્ડ વિશેની બધી માહિતી હેકર્સના કમ્પ્યુટરમાં સેવ થઇ જાય છે, જેને તેઓ ખાલી કાર્ડમાં નાખે છે અને પછી એડવાન્સ પ્રિંટરની મદદથી ક્લોન તૈયાર કરી લે છે. અને ડુપ્લિકેટ કાર્ડનો ઉપયોગ કરી તમારા એકાઉન્ટમાંથી પૈસા ઉપાડી લેવામાં આવે છે.

આ વસ્તુઓથી બચીને રહો

ક્લોનિંગ ઉપરાંત, ફિશિંગ પણ એક મોટું માધ્યમ છે, જેની મદદથી સાયબર ગુનેગારો તમારા ખાતામાં ફ્રોડ કરે છે. ફિશિંગમાં હેકરો ફેક ઈમેલ આઈડી બનાવે છે જે બેંકની ઇમેલ આઈડી જેવી જ હોય છે અને તે ફેક આઈડી દ્વારા એકાઉન્ટ ધારકો પાસેથી તેમની ખાનગી માહિતી માંગી તેમને ફસાવે છે. બેંકની વેબસાઇટ જેવી

ડુબ્લીકેટ વેબસાઈટ દ્વારા ગ્રાહકની વિગતો મેળવીને હેકરો તેમને પોતાનો શિકાર બનાવે છે. આવી પરિસ્થિતિમાં અમારી સલાહ છે કે તમે આ વસ્તુઓથી બચીને રહો:

-ATM મશીનમાં કાર્ડ દાખલ કરતા પહેલા ચેક કરો કે, કોઈ સ્કિમર તો નથી.

-સ્વેપિંગ પોઇન્ટની આસપાસ હાથ લગાવી ચેક કરી લો અને જો કોઈક વસ્તુ અલગ હોય તો એલર્ટ થઇ જાવ.

-ATM મશીનના કીપેડના એક ખૂણાને દબાવો. જો ATM માં પેડ સ્કીમર લાગેલું હશે તો બીજો ખૂણો ઉંચો થશે.

-સમયાંતરે તમારા ક્રેડિટ-ડેબિટ કાર્ડના PIN ને બદલો.

-કોઈપણ અજાણી લિંક પર ક્લિક કરીને તમારા બેંક એકાઉન્ટ અથવા કાર્ડથી સંબંધિત કોઈપણ માહિતી શેર કરશો નહીં.

-કોઈને પણ તમારા એટીએમ કાર્ડનો નંબર, PIN અથવા OTP વિશે જણાવશો નહીં.