Budget 2022 : સંસદનું બજેટ સત્ર 31 જાન્યુઆરીથી શરૂ થશે, 8 એપ્રિલ સુધી ચાલશે
સંસદનું આગામી બજેટ સત્ર 31 જાન્યુઆરીથી શરૂ થશે. આ સત્ર 31 જાન્યુઆરીથી 8 એપ્રિલ સુધી બે તબક્કામાં ચાલશે. પ્રથમ સત્ર 31 જાન્યુઆરીથી 11 ફેબ્રુઆરી સુધી ચાલશે.
Budget 2022 : સંસદનું આગામી બજેટ સત્ર 31 જાન્યુઆરીથી શરૂ થશે. આ સત્ર 31 જાન્યુઆરીથી 8 એપ્રિલ સુધી બે તબક્કામાં ચાલશે. પ્રથમ સત્ર 31 જાન્યુઆરીથી 11 ફેબ્રુઆરી સુધી ચાલશે. એક મહિના બાદ બીજું સત્ર 14 માર્ચથી શરૂ થશે અને 8 એપ્રિલ સુધી ચાલશે. સામાન્ય બજેટ 1 ફેબ્રુઆરીએ સંસદમાં રજૂ કરવામાં આવશે.
મળતી માહિતી મુજબ રાષ્ટ્રપતિ રામનાથ કોવિંદ 31 જાન્યુઆરીએ સંસદ, લોકસભા અને રાજ્યસભાના બંને ગૃહોના સંયુક્ત સત્રને સંબોધિત કરશે. જે બાદ 1 ફેબ્રુઆરીએ કેન્દ્રીય નાણાં પ્રધાન નિર્મલા સીતારમણ નાણાકીય વર્ષ 2022 માટે કેન્દ્રીય બજેટ રજૂ કરશે.
કોરોના વાયરસની મહામારી વચ્ચે બજેટ સત્ર ચાલી રહ્યું છે. કોરોનાને ધ્યાનમાં રાખીને રાજ્યસભાના અધ્યક્ષ એમ વેંકૈયા નાયડુ અને લોકસભાના અધ્યક્ષ ઓમ બિરલાએ પણ હાલમાં જ બંને ગૃહોના સેક્રેટરી જનરલ (સેક્રેટરીઝ જનરલ) પાસેથી સુરક્ષા પગલાં અંગે સૂચનો માંગ્યા હતા. ગયા અઠવાડિયે સંસદમાં કામ કરતા 400 કર્મચારીઓ અને સુરક્ષાકર્મીઓ કોરોના સંક્રમિત હોવાનું જાણવા મળ્યું હતું. આવી સ્થિતિમાં સત્ર દરમિયાન ઘણી વિશેષ વ્યવસ્થાઓ કરવામાં આવી શકે છે.
Click it and Unblock the Notifications
Sign in with Google
