Budget 2024: બજેટનુ લાઈવ સ્ટ્રીમિંગ આ વર્ષે અહીં જોઈ શકશો, જાણો સમગ્ર વિગત

Updated: Tuesday, January 30, 2024, 9:58 [IST]

Budget 2024 Date and Time: બજેટ 2024નું કાઉન્ટડાઉન શરૂ થઈ ગયું છે. આગામી બજેટ માટે તમામ તૈયારીઓ પૂર્ણ કરી લેવામાં આવી છે. પરંપરાગત હલવા વિધિ પણ થઈ છે. નાણામંત્રી નિર્મલા સીતારમણ 1 ફેબ્રુઆરીએ વચગાળાનું બજેટ રજૂ કરશે. આ વર્ષે લોકસભાની ચૂંટણી યોજાવાની છે. આવી સ્થિતિમાં તે સંપૂર્ણ બજેટ નહીં હોય.

આ એક અસ્થાયી નાણાકીય યોજના અથવા 'વોટ ઑન એકાઉન્ટ' હશે. દર વર્ષે 1 ફેબ્રુઆરીએ બજેટ રજૂ કરવામાં આવે છે. કેન્દ્રીય બજેટ ક્યારે રજૂ થશે, કયા સમયે થશે, તમે બજેટ ભાષણ ક્યાં લાઈવ જોઈ શકશો? આ બધા પ્રશ્નોના જવાબો અહીં વિગતવાર જાણીએ.

નાણામંત્રી 1 ફેબ્રુઆરીએ સવારે 11 વાગ્યે બજેટ રજૂ કરશે. તેની શરૂઆત બજેટ ભાષણથી થશે જે સામાન્ય રીતે એકથી દોઢ કલાક સુધી ચાલે છે. લોકો સંસદ ટીવી અને દૂરદર્શન પર નિર્મલા સીતારમણનું બજેટ પ્રેઝન્ટેશન લાઈવ જોઈ શકે છે. તેમની યુટ્યુબ ચેનલો પર લાઈવ ટેલિકાસ્ટ પણ થશે. પ્રેસ ઇન્ફોર્મેશન બ્યુરો (PIB) તેના ઑનલાઇન પ્લેટફોર્મ પર બજેટ 2024નું લાઇવ સ્ટ્રીમિંગ કરશે. તમે www.indiabudget.gov.in પર જઈને પણ બજેટ સત્ર જોઈ શકો છો.

તમને જણાવી દઈએ કે નાણામંત્રી નિર્મલા સીતારમણે ગયા મહિને કહ્યું હતું કે આ વચગાળાનું બજેટ વોટ-ઓન-એકાઉન્ટ હશે. તેથી આમાં કોઈ મોટી જાહેરાત કરવામાં આવશે નહીં. એપ્રિલ-મેમાં લોકસભા ચૂંટણી બાદ નવી સરકાર નાણાકીય વર્ષ 2024-25 માટે સંપૂર્ણ બજેટ રજૂ કરશે.

બજેટ સત્ર 31 જાન્યુઆરીથી શરૂ થશે. તેનો પ્રથમ તબક્કો 9 ફેબ્રુઆરી સુધી ચાલશે. સત્રના પહેલા દિવસે રાષ્ટ્રપતિ દ્રૌપદી મુર્મુ લોકસભા અને રાજ્યસભાની સંયુક્ત બેઠકને સંબોધિત કરશે. આર્થિક સર્વે બજેટના એક દિવસ પહેલા રજૂ કરવામાં આવે છે, જેમાં દેશની અર્થવ્યવસ્થાની સંપૂર્ણ તસવીર સામે આવી છે.

આ ચોથું પેપરલેસ બજેટ હશે. બજેટ દસ્તાવેજો 'યુનિયન બજેટ' મોબાઇલ એપ પર બે ભાષાઓમાં ડિજિટલ સ્વરૂપમાં ઉપલબ્ધ હશે. તેમાં વાર્ષિક નાણાકીય નિવેદન એટલે કે બજેટ, ગ્રાન્ટની માંગ અને ફાઇનાન્સ બિલ વગેરેનો સમાવેશ થશે.