શેર માર્કેટમાં તેજીનો તરખાટ : સેન્સેક્સ 727 પોઇન્ટ વધ્યો

મુંબઇ, 10 સપ્ટેમ્બર : આજે સવારથી શેર બજારે સારી શરૂઆત કરી હતી. સેન્સેક્સ આજે 20,000 પોઇન્ટના આંકને સ્પર્શીને છેવટે 727 પોઈન્ટ અથવા ચાર ટકા વધીને 19,997 પોઈન્ટ પર બંધ રહ્યો હતો. માર્કેટ એનાલિસ્ટના માનવા અનુસાર આ તેજીના મુખ્ય કારણોમાં રઘુરામ રાજને સંભાળેલો રીઝર્વ બેન્કના ગવર્નરનો કાર્યભાર અને સિરીયા પર અમેરિકાના આક્રમણનો ભય પણ દૂર થવો મુખ્ય છે.

સેન્સેક્સે છેલ્લા ચાર વર્ષમાં આ પહેલી જ વાર એક-દિવસમાં સૌથી મોટો ફાયદો જોયો છે. બજારો છેલ્લા ચાર દિવસથી તેજીનો અનુભવ કરી રહ્યા છે. બીએસઈના સેન્સેક્સની જેમ નેશનલ સ્ટોક એક્સચેન્જનો 50 શેરનો નિફ્ટી 216 પોઈન્ટ અથવા 3.81 ટકાના લાભ સાથે 5896 પોઈન્ટ પર બંધ રહ્યો હતો.

સેન્સેક્સે ઈન્ટ્રા-ડે સોદાઓ વખતે 20,012.96ની સપાટીને સ્પર્શ કર્યો હતો. દલાલોનું કહેવું છે કે બ્લુચિપ શેરોમાં વિદેશી ઈન્વેસ્ટરો નેટ બાયર્સ રહ્યા છે, કારણ કે યુએસ ડોલર સામે રૂપિયાનો દેખાવ પણ સતત સુધરતો રહ્યો છે. ટેલિકોમ રેગ્યૂલેટર એજન્સી 'ટ્રાઈ' દ્વારા કરાયેલા સૂચને ટેલિકોમ શેરોમાં તેજી લાવી દીધી છે. ટ્રાઈએ કહ્યું છે કે એરવેઝના લિલામ માટેની કિંમતમાં ઘટાડો કરવો જોઈએ.

English summary

Bullish trend in share market; sensex up by 727 points