ફરી વધ્યા CNG ના ભાવ, જાણો તમારા શહેરમાં શું છે ભાવ?
ગુરુવારના રોજ ફરી લોકોને મોટો ફટકો પડ્યો છે. આજે ફરી CNG 2.50 રૂપિયા મોંઘો થયો છે, ત્યારબાદ રાજધાનીમાં CNGનો દર 69.11 રૂપિયા પ્રતિ કિલો થઈ ગયો છે.
નવી દિલ્હી, 07 એપ્રીલ : ગુરુવારના રોજ ફરી લોકોને મોટો ફટકો પડ્યો છે. આજે ફરી CNG 2.50 રૂપિયા મોંઘો થયો છે, ત્યારબાદ રાજધાનીમાં CNGનો દર 69.11 રૂપિયા પ્રતિ કિલો થઈ ગયો છે. નોંધનીય છે કે, એક દિવસ પહેલા પણ CNG ના ભાવમાં 2.5 રૂપિયાનો વધારો કરવામાં આવ્યો હતો. છેલ્લા એક સપ્તાહમાં CNGના ભાવમાં 9 રૂપિયા 60 પૈસાનો વધારો થયો છે, જેના કારણે લોકો મુશ્કેલીમાં મૂકાઈ ગયા છે.
આ છે મુખ્ય શહેરોમાં CNGના નવા દર
- દિલ્હી - રૂપિયા 69.11 પ્રતિ કિલો
- નોઇડા, ગ્રેટર નોઇડા અને ગાઝિયાબાદ - રૂપિયા 71.67 પ્રતિ કિલો
- મુઝફ્ફરનગર, મેરઠ અને શામલી - રૂપિયા 76.34 પ્રતિ કિલો
- ગુરુગ્રામ - રૂપિયા 77.44 પ્રતિ કિલો
- રેવાડી - રૂપિયા 79.57 પ્રતિ કિલો
- કરનાલ અને કૈથલ - રૂપિયા 77.77 પ્રતિ કિલો
- કાનપુર, હમીરપુર અને ફતેહપુર - રૂપિયા 80.90 રૂપિયા પ્રતિ કિલો
- અજમેર, પાલી અને રાજસમંદ - રૂપિયા 79.38 પ્રતિ કિલો
કુદરતી ગેસના ભાવમાં રેકોર્ડ વધારો
ઉલ્લેખનીય છે કે, જ્યારે સંકુચિત થાય છે, ત્યારે કુદરતી ગેસ CNG બની જાય છે. આ ગેસનો ઉપયોગ રસોઈ અને ઉદ્યોગોમાં થાય છે. સીએનજીના ભાવમાં થયેલાઉછાળા પાછળ કુદરતી ગેસના ભાવમાં રેકોર્ડ વધારો હોવાનું કહેવાય છે.
પેટ્રોલ અને ડીઝલના ભાવ આજે સ્થિર છે
CNG ના ભાવમાં વધારો થયો છે, ત્યારે આજે પેટ્રોલ અને ડીઝલના ભાવમાં કોઈ વધારો થયો નથી. જેના કારણે લોકોને થોડી રાહત મળી છે.
ગુરૂવારના રોજઈંધણના ભાવમાં 80-80 પૈસાનો વધારો કરવામાં આવ્યો છે. જે બાદ આજે દિલ્હીમાં પેટ્રોલ અને ડીઝલની કિંમત અનુક્રમે 105.41 રૂપિયા પ્રતિ લીટર અને 96.67 રૂપિયાપ્રતિ લીટર હતી.
'મોંઘવારી મુક્ત ભારત અભિયાન'
વિપક્ષો વધતી મોંઘવારી માટે કેન્દ્ર સરકારને જવાબદાર ઠેરવી રહ્યા છે. કોંગ્રેસ મોંઘવારી સામે દેશવ્યાપી 'મોંઘવારી મુક્ત ભારત અભિયાન' ચલાવી રહી છે, જે અંતર્ગતતેણે આજે દેશભરમાં રેલીઓ અને માર્ચનું આયોજન કર્યું છે.