સ્ટાર્ટઅપ માટે બેસ્ટ છે દિલ્હી એનસીઆર, મુંબઇ અને બેંગ્લુરુ પાછળ
લોકો બિઝનેસ શરૂ કરવા માટે દિલ્હી શહેર પર વધુ ધ્યાન આપી રહ્યા છે. તેથી જ દિલ્હી-એનસીઆરમાં સ્ટાર્ટઅપ્સની સંખ્યા 7,000 થી વધુ છે.
લોકો બિઝનેસ શરૂ કરવા માટે દિલ્હી શહેર પર વધુ ધ્યાન આપી રહ્યા છે. તેથી જ દિલ્હી-એનસીઆરમાં સ્ટાર્ટઅપ્સની સંખ્યા 7,000 થી વધુ છે. સાથે આ ક્ષેત્રમાં 10 યુનિકોર્ન પણ છે. આ કંપનીઓનું મૂલ્ય આશરે 50 અબજ ડોલર નજીક છે. ટીઆઈઆઈઈ-દિલ્હી-એનસીઆર અને જીનોવ દ્વારા એક અહેવાલમાં આ માહિતી આપવામાં આવી છે. રિપોર્ટમાં કહેવામાં આવ્યું છે કે બેંગલુરુ અને મુંબઇની તુલનામાં સ્ટાર્ટઅપ્સ અને યુનિકોર્નના મામલે દિલ્હી-એનસીઆર ઘણા આગળ છે.
તો, દિલ્હી-એનસીઆર સ્ટાર્ટઅપ ઇકોસિસ્ટમના ટર્બોચાર્જિંગની ટોચ વળી રિપોર્ટમાં કહેવામાં આવ્યું છે કે દેશના કુલ સ્ટાર્ટઅપ્સમાં 23 ટકા દિલ્હી-એનસીઆરમાં છે. રિપોર્ટ અનુસાર, દિલ્હી-એનસીઆરમાં સ્ટાર્ટઅપ્સની સંખ્યા 7,039 છે. તેમની સંખ્યા બેંગ્લોરમાં 5,234, મુંબઇમાં 3,829 અને હૈદરાબાદમાં 1,940 છે. આ નવી કંપનીઓની સ્થાપના 2009 થી 2019 દરમિયાન કરવામાં આવી છે. જો આપણે દિલ્હી-એનસીઆરની વાત કરીએ તો, દિલ્હીમાં 4,491 સ્ટાર્ટઅપ્સ છે. ગુરુગ્રામમાં 1,544 અને નોઇડામાં 1,004 સ્ટાર્ટઅપ્સ છે.
સાથે, રિપોર્ટમાં એ વાતનો પણ ઉલ્લેખ કરવામાં આવ્યો છે કે દિલ્હી-એનસીઆરમાં 10 યુનિકોર્નની કંપનીઓ છે. આ કંપનીઓનું મૂલ્ય એક અબજ ડોલરથી વધુ છે. બેંગ્લોરમાં આવી નવ કંપનીઓ છે, જ્યારે મુંબઈ અને પુણેમાં બે અને ચેન્નાઇમાં એક આવી કંપની છે.
આ પણ વાંચો: આ રીતે મળે છે અમૂલની ફ્રેન્ચાઈઝી, કરી શકો છો લાખોની કમાણી
જણાવી દઈએ કે દિલ્હી-એનસીઆરઆર વૈશ્વિક સ્તરે ટોચના પાંચ સ્ટાર્ટઅપ હબમાં હોઈ શકે છે. અહીં સક્રિય ટેક્નોલોજી સ્ટાર્ટઅપ્સની સંખ્યા 12,000 સુધી પહોંચી શકે છે. જ્યારે યુનિકોર્નની સંખ્યા 30 સુધી હોઇ શકે છે. જ્યારે આવું થાય, ત્યારે આ કંપનીઓનું કુલ મૂલ્યાંકન 150 અબજ ડોલરથી વધુ થઈ જશે.
જો આઇટી કંપનીઓની વાત કરીએ તો તે બેંગલુરુમાં સૌથી વધુ છે. અહીં મોટી મોટી રાષ્ટ્રીય અને આંતરરાષ્ટ્રીય કંપનીઓની મોટી મોટી ઓફિસો છે જ્યાં હજારો કર્મચારીઓ કામ કરે છે. તો પણ બેંગલોર સ્ટાર્ટઅપમાં પાછળ છે, જે એક મોટી વાત છે.
આ પણ વાંચો: વૈશ્વિક મંદી: મધ્યમ વર્ગ લક્ઝરી સામાનથી દૂર રહ્યો