Petrol-Diesel Price: પીએમ મોદીના ભાષણ બાદ આજે પેટ્રોલ-ડીઝલના ભાવ ઘટ્યા કે નહિ? જાણો અહીં

Published: Thursday, July 6, 2023, 10:13 [IST]

Petrol-Diesel Price: ભારતીય ઈંધણ કંપનીઓએ આજે પેટ્રોલ અને ડીઝલના ભાવ જાહેર કરી દીધા છે. આજે પણ દેશના મહાનગરો સહિત મોટાભાગના રાજ્યોમાં ઈંધણના ભાવ સ્થિર છે. જો કે, અમુક શહેરોમાં ફેરફાર જોવા મળ્યો છે.

આંતરરાષ્ટ્રીય બજારમાં ક્રૂડના ભાવમાં ઉતાર-ચડાવ યથાવત છે. છેલ્લા 24 કલાકમાં બ્રેન્ટ ક્રૂડની કિંમત પ્રતિ બેરલ 78.07 ડૉલર અને ડબ્લ્યુટીઆઈની કિંમત 72.11 ડૉલર પ્રતિ બેરલ થઈ ગઈ છે.

તમને જણાવી દઈએ કે પીએમ મોદીના નિવેદન બાદ એવું લાગી રહ્યું છે કે મધ્યપ્રદેશમાં પેટ્રોલ અને ડીઝલના ભાવ ફરી નીચે આવી શકે છે. હાલમાં જ ભોપાલમાં પોતાના ભાષણ દરમિયાન પીએમ મોદીએ કહ્યું હતું કે 'દેશમાં જ્યાં પણ ભાજપની સરકાર છે ત્યાં પેટ્રોલ-ડીઝલ 100 રૂપિયાથી ઓછું છે.' જે બાદ જનતાને લાગી રહ્યું છે કે શિવરાજ સરકાર ફરી એકવાર એમપીમાં વેટના ભાવમાં ઘટાડો કરશે, જો કે તે અગાઉ બે વખત વેટમાં ઘટાડો કરી ચૂકી છે.

નોંધનીય છે કે પેટ્રોલિયમ મંત્રીએ થોડા દિવસ અગાઉ ઈંધણની કિંંમતમાં ઘટાડાના સંકેત આપ્યા હતા. અમુક રાજ્યોમાં થોડા મહિનાઓમાં ચૂંટણી થવાની છે માટે કિંમતો ઘટી શકે છે. ઉલ્લેખનીય છે કે રોજ સવારે 6 વાગે ઈંધણના ભાવ અપડેટ થાય છે. અલગ-અલગ રાજ્યોમાં વેટનો દર અલગ-અલગ હોવાથી રાજ્યોમાં પેટ્રોલ અને ડીઝલનો દર એકસરખો રહેતો નથી.

આજના પેટ્રોલના ભાવ

દિલ્લી: 96.72 રૂપિયા પ્રતિ લિટર
મુંબઈ: 106.31 રૂપિયા પ્રતિ લિટર
કોલકત્તા: 106.03 રૂપિયા પ્રતિ લિટર
ચેન્નઈ: 102.73 રૂપિયા પ્રતિ લિટર
ગાંધીનગરઃ 96.63 રુપિયા પ્રતિ લિટર
અમદાવાદઃ 96.41 રુપિયા પ્રતિ લિટર
રાજકોટઃ 96.17 રુપિયા પ્રતિ લિટર
સુરતઃ 96.27 રુપિયા પ્રતિ લિટર
વડોદરાઃ 96.07 રુપિયા પ્રતિ લિટર

આજના ડીઝલના ભાવ

દિલ્લી: 89.62 રૂપિયા પ્રતિ લિટર
મુંબઈ: 94.27 રૂપિયા પ્રતિ લિટર
કોલકત્તા: 92.76 રૂપિયા પ્રતિ લિટર
ચેન્નઈ: 94.33 રૂપિયા પ્રતિ લિટર
ગાંધીનગરઃ 92.38 રુપિયા પ્રતિ લિટર
અમદાવાદઃ 92.15 રુપિયા પ્રતિ લિટર
રાજકોટઃ 91.93 રુપિયા પ્રતિ લિટર
સુરતઃ 92.04 રુપિયા પ્રતિ લિટર
વડોદરાઃ 91.82 રુપિયા પ્રતિ લિટર

આ રીતે જાણો તમારા શહેરમાં પેટ્રોલ અને ડીઝલના ભાવ

તમારા શહેરમાં પેટ્રોલ અને ડીઝલના શું ભાવ છે તેને તમે તમારા મોબાઈલ દ્વારા જાણી શકો છો. તમે પહેલા ગૂગલના પ્લે સ્ટોર પરથી IOCની એપ ડાઉનલોડ કરી લો અથવા તમે તમારા મોબાઈલમાં RSP અને તમારા શહેરનો કોડ લખીને 9224992249 નંબર પર મોકલો. તમને SMS પર બધી માહિતી મળી જશે.

તમને જણાવી દઈએ કે દરેક શહેરનો આરએસપી નંબર અલગ-અલગ હશે જેને તમે IOCની વેબસાઈટ પરથી જાણી શકશો. તમને જણાવી દઈએ કે પેટ્રોલ અને ડીઝલની કિંમતમાં એક્સાઈઝ ડ્યુટી, ડીલર કમિશન અને અન્ય વસ્તુઓ ઉમેર્યા બાદ તેની કિંમત લગભગ બમણી થઈ જાય છે.

આ માપદંડોના આધારે ઈંધણ કંપનીઓ દરરોજ પેટ્રોલ અને ડીઝલના દર નક્કી કરવાનું કામ કરે છે. ડીલરો એ લોકો છે જે પેટ્રોલ પંપ ચલાવે છે. તેઓ ટેક્સ અને પોતાનુ માર્જિન ઉમેરીને છૂટક ભાવે પેટ્રોલ વેચે છે. આ ખર્ચ પેટ્રોલ અને ડીઝલના દરમાં પણ ઉમેરવામાં આવે છે.

Published On July 6, 2023