SBI એકાઉન્ટ ધારકો માટે ખાસ સમાચાર, આ ખાતામાં ડબલ વ્યાજ મળશે

જો તમે દેશની સૌથી મોટી જાહેર ક્ષેત્રની બેંક સ્ટેટ બેંક ઓફ ઇન્ડિયાના ગ્રાહક છો, તો આ સમાચાર તમારા માટે ખુશ ખબર કરતાં ઓછા નથી.

Updated: Sunday, March 10, 2019, 15:31 [IST]

જો તમે દેશની સૌથી મોટી જાહેર ક્ષેત્રની બેંક સ્ટેટ બેંક ઓફ ઇન્ડિયાના ગ્રાહક છો, તો આ સમાચાર તમારા માટે ખુશ ખબર કરતાં ઓછા નથી. અહીં બેંક તેમના ખાસ ખાતાના ખાતાધારકોને ડબલ વ્યાજનો લાભ આપી રહી છે. જો તમે પણ તેનો લાભ લેવા માંગતા હો, તો આ સમાચાર કાળજીપૂર્વક વાંચો. એસબીઆઈ તેના પબ્લિક પ્રોવિડન્ટ ફંડ (PPF) ખાતાધારકોને એક જ ખાતામાં બે ફાયદા આપી રહી છે.

આ પણ વાંચો: માત્ર 3 વર્ષમાં આ રીતે ભેગું કરો 1 લાખનું ફંડ, આ છે પ્લાનિંગ

આ ખાતામાં ડબલ વ્યાજ મળે છે

એસબીઆઈના આ ખાતામાં ખાતાધારકોને ડબલ લાભ મળે છે. પ્રથમ, તમારું ભવિષ્ય સુરક્ષિત હોય છે અને બીજું બચત ખાતામાં ડબલ વ્યાજ મળે છે. પીપીએફ એકાઉન્ટના ખાતાધારકોને રોકાણની રકમ પર ટેક્સ છૂટ અને મેચ્યોરિટી પર ટેક્સ ફ્રી રિટર્ન જેવી સુવિધાઓ મળે છે.

પીપીએફ ખાતું કેવી રીતે ખોલાવવું

કોઈ પોસ્ટ ઑફિસ અથવા બેંકમાં પીપીએફ ખાતું ખોલાવી શકાય છે. આ ખાતામાં તમે ઓછામાં ઓછા 500 રૂપિયાથી 1,50,000 રૂપિયા સુધી જમા કરાવી શકો છો. તમે આ રકમ 12 હપતાથી અથવા એકસાથે જમા કરાવી શકો છો. આ ખાતાની મેચ્યોરિટી 15 વર્ષ છે, પરંતુ તમે તેને 1 વર્ષ, 5 વર્ષ કે તેથી વધુ માટે વધારી શકો છો.

પીપીએફનો વ્યાજ દર

PPF ખાતામાં વ્યાજદર સરકાર દ્વારા ત્રિમાસિક ધોરણે નક્કી કરવામાં આવે છે. હાલમાં સરકાર 8 ટકાના દરે વ્યાજ આપી રહી છે. તમને આ ખાતામાંથી લોન સુવિધા પણ મળે છે. સામાન્ય રીતે એક પીપીએફ એકાઉન્ટ ખોલાવ્યા પછી, તમે ત્રીજા વર્ષથી તમારી જમાપૂંજી પર લોનનો લાભ લઈ શકો છો.

ટેક્સ છૂટ મળે છે

તમને આ પીપીએફ ખાતામાં જમા કરેલ નાણાં પર ટેક્સ છૂટ મળે. આવકવેરા અધિનિયમની 80C ની આવકમાંથી કપાત માટે લાયકાત પ્રાપ્ત કરે છે. અને વ્યાજની આવક પણ સંપૂર્ણપણે ટેક્સ મુક્ત છે, જ્યારે પાકતી મુદત પર પણ કોઈ ટેક્સ લગાવામાં આવતો નથી. આ કારણોસર ભારતમાં શ્રેષ્ઠ ટેક્સ બચત રોકાણ માટે પીપીએફ શ્રેષ્ઠ વિકલ્પ બન્યો છે.