Hindenburg : અદાણી બાદ હવે કોનો વારો? મોટો ખુલાસો કરવાની તૈયારીમાં હિંડનબર્ગ

Hindenburg : અમેરિકન શોર્ટ સેલર હિંડનહર્ગે ગૌતમ અદાણી અને તેમની કંપનીઓના ભ્રષ્ટાચારનો ખુલાસો કરીને પુરી દુનિયા હલાવી દીધી હતી. હવે હિંડનબર્ગ વધુ એક ખુલાસો કરવાની તૈયારીમાં છે.

હિન્ડેનબર્ગે એક્સ પર એક ચેતવણી આપતા કહ્યું છે કે, ભારતમાં કઈંક મોટુ થવાનું છે. હિંડનબર્ગ રિસર્ચે ગયા વર્ષે અદાણી ગ્રૂપ પર એક અહેવાલ પ્રકાશિત કર્યો હતો, જેના પછી ગૌતમ અદાણીની કંપનીના શેરમાં મોટો કડાકો થયો હતો.

હિંડનબર્ગ રિસર્ચે તેની પોસ્ટમાં લખ્યું છે કે, ભારતમાં ટૂંક સમયમાં કંઈક મોટું થવાનું છે. હવે આ પોસ્ટને લઈને એવો દાવો કરવામાં આવી રહ્યો છે કે હિંડનબર્ગ રિસર્ચ ફરી એકવાર એક ભારતીય કંપની વિશે મોટો ખુલાસો કરવા જઈ રહ્યું છે.

હિંડનબર્ગ રિસર્ચે જાન્યુઆરી 2023માં ગૌતમ અદાણીના અદાણી ગ્રુપ પર રિપોર્ટમાં ઘણા ગંભીર આરોપો લગાવ્યા હતા. આ રિપોર્ટ આવ્યા બાદ ગૌતમ અદાણી વિશ્વના નંબર 2 અબજોપતિમાંથી સીધા 36મા નંબર પર આવી ગયા હતા. આ પછી ગૌતમ અદાણીની સંપત્તિમાં મોટો ઘટાડો નોંધાયો હતો.

સિક્યોરિટીઝ એક્સચેન્જ બોર્ડ ઓફ ઈન્ડિયા (સેબી) એ અદાણી-હિંડનબર્ગ કેસમાં નવા ઘટનાક્રમનો ખુલાસો કર્યો છે, જેમાં યુએસ કંપની હિંડનબર્ગ રિસર્ચ અને ન્યૂયોર્કના હેજ ફંડ મેનેજર માર્ક કિંગ્ડન વચ્ચેના સંબંધોને હાઈલાઈટ કર્યા છે.

Something big soon India

— Hindenburg Research (@HindenburgRes) August 10, 2024

સેબીના જણાવ્યા અનુસાર, હિંડનબર્ગે તેના જાહેર પ્રકાશનના લગભગ બે મહિના પહેલા અદાણી ગ્રૂપ પરના તેના અહેવાલની એડવાન્સ કોપી કિંગ્ડન સાથે શેર કરી હતી, જેના કારણે વ્યૂહાત્મક વેપાર દ્વારા નોંધપાત્ર નફો થયો.

English summary

Hindenburg : After Adani, whose turn now? Hindenburg in preparation for the big reveal