Liquor Tax Calculation : 1000 રૂપિયાના દારૂ પર સરકારને કેટલો મળે છે ટેક્સ, જાણો કમાણીનું ગણિત

કર્ણાટક સરકારની લગભગ 15 ટકા આવક દારૂની કમાણીમાંથી આવે છે. આવી જ રીતે દિલ્હી, હરિયાણા, ઉત્તર પ્રદેશ અને તેલંગાણામાં લગભગ 10 ટકા કમાણી દારૂમાંથી થાય છે.

Liquor Tax Calculation : નવા વર્ષની પૂર્વ સંધ્યાએ લોકો લિમિટલેસ પાર્ટી કરે છે. જેમાં ખૂલ્લા ખિસ્સે દારૂની ખરીદી કરે છે. સરકાર દ્વારા ચલાવવામાં આવતા નશા મુક્તિ અભિયાનની અવગણના કરીને લોકો દારૂનું સેવન કરે છે. આ સાથે દારૂ પીનારા લોકોની સંખ્યા સતત વધી રહી છે.

આવા સમયે આપણે સરકારને દારૂને કારણે થતી આવક વિશે જાણીશું. રાજ્ય સરકાર 1000 રૂપિયાના દારૂ પર કેટલો ટેક્સ વસુલે છે, તે વિશે જાણીશું. ઉલ્લેખનીય છે કે, ગુજરાતમાં દારૂબંધી છે એટલે દારૂના વેચાણ અને ટેક્સ બાબતે ગુજરાત અપવાદ રાજ્ય છે.

કર્ણાટક સરકારની લગભગ 15 ટકા આવક દારૂની કમાણીમાંથી આવે છે. આવી જ રીતે દિલ્હી, હરિયાણા, ઉત્તર પ્રદેશ અને તેલંગાણામાં લગભગ 10 ટકા કમાણી દારૂમાંથી થાય છે.

કેરળમાં દારૂ પર 250 ટકા ટેક્સ

કેરળ સરકાર દારૂ પર બહોળો ટેક્સ લગાવે છે. દારૂનું વેચાણ પણ આ રાજ્યમાં સૌથી વધુ થાય છે. કેરળ સરકાર દ્વારા લગભગ 250 ટકાટેક્સ એકત્ર કરવામાં આવે છે. આવી જ રીતે તમિલનાડુ સરકાર પણ દારૂના વેચાણથી તગડી કમાણી કરે છે. આ સાથે તમિલનાડુમાં વિદેશી

દારૂ પર વેટ, એક્સાઈઝ ડ્યુટી અને સ્પેશિયલ ડ્યુટી લાદવામાં આવે છે.

1000 રૂપિયા પર કેટલો ટેક્સ?

જો સરેરાશ લેવામાં આવે તો, જો કોઈ વ્યક્તિ 1000 રૂપિયાની કિંમતનો દારૂ ખરીદે છે, તો તેમાં 35 થી 50 ટકા કે તેથી વધુ ટેક્સ લાગે છે,એટલે કે, જો તમે 1000 રૂપિયાની દારૂની બોટલ ખરીદી છે, તો લગભગ 350 થી 500 રૂપિયા થશે.

દુકાનદાર કે દારૂ બનાવનારને ચૂકવણી કરવામાં આવતી નથી, પરંતુ સરકારની આવકમાં જમા થાય છે. આ ટેક્સના કારણે રાજ્યોને અબજો રૂપિયાની કમાણી થાય છે.

જાણો દારૂ પરના ટેક્સના દર

ભારતના તમામ રાજ્યો અને કેન્દ્રશાસિત પ્રદેશોમાં દારૂ પર અલગ-અલગ રીતે કર લાદવામાં આવે છે. ગુજરાત સરકારે 1961થી દારૂનાવપરાશ પર પ્રતિબંધ મૂક્યો છે, પરંતુ હજૂ પણ ખાસ લાયસન્સ બહારના લોકો દારૂ ખરીદી શકે છે.

આવી જ રીતે પોંડિચેરીને તેનીમોટાભાગની આવક દારૂના વેપારમાંથી મળે છે. પંજાબ સરકાર દ્વારા ગયા વર્ષે એક્સાઈઝ ડ્યુટીમાં કોઈ ફેરફાર કર્યો ન હતો.

આ સિવાય ત્યાંસેલ્સ ક્વોટા પણ વધારવામાં આવ્યો હતો. સરકારને આશા છે કે, આગામી નાણાકીય વર્ષમાં દારૂમાંથી લગભગ 7 હજાર કરોડ રૂપિયાનીઆવક થવાની છે.

English summary

Liquor Tax Calculation : How much tax does the government get on liquor worth 1000 rupees