દિવાળી પહેલા આ બેંકે આપી ખુશખબર, ગ્રાહકોને થશે મોટો ફાયદો

દિવાળી પર દરેક જગ્યાએ બોનસ અને ઓફરની ભરમાર જોવા મળે છે. જેમાં ઘણીવાર સરકાર તરફથી પણ પોતાના કર્મચારીઓને બોનસ આપવામાં આવે છે. આ અંતર્ગત બેંક ઓફ મહારાષ્ટ્ર તરફથી તેમના ખાતા ધારકોને દિવાળી ભેટ આપી છે.

Published: Monday, October 17, 2022, 10:56 [IST]

દિવાળી પર દરેક જગ્યાએ બોનસ અને ઓફરની ભરમાર જોવા મળે છે. જેમાં ઘણીવાર સરકાર તરફથી પણ પોતાના કર્મચારીઓને બોનસ આપવામાં આવે છે. આ અંતર્ગત બેંક ઓફ મહારાષ્ટ્ર તરફથી તેમના ખાતા ધારકોને દિવાળી ભેટ આપી છે. બેંક ઓફ મહારાષ્ટ્રએ ફેસ્ટિવ છૂટ અંતર્ગત હોમ લોન પર વ્યાજ દર ઘટાડીને 8 ટકા કર્યો છે. બેંક હાલમાં 8.3 ટકા પર હોમ લોન આપે છે, જેમાં 0.3 ટકાનો ઘટાડો કરવામાં આવ્યો છે.

આજથી નવા રેટ લાગુ થશે

જોકે, આ રેટ લોન લેનારના ક્રેડિટ સ્કોરના આધારે બદલાય છે. પૂણેમાં બેંકના હેડક્વાર્ટર દ્વારા જણાવવામાં આવ્યું હતું કે, બેંક ઓફ મહારાષ્ટ્રે પણ વ્યક્તિગત લોન પર વ્યાજ દર 11.35 ટકાથી ઘટાડીને 8.9 ટકા કરવાની જાહેરાત કરી છે.

નવા દરો 17 ઓક્ટોબર, 2022થી અમલમાં આવ્યા છે. બેંકે દિવાળી ધમાકા હેઠળ હોમ અને કાર લોન માટે પ્રોસેસિંગ ફી પહેલાથી જ માફ કરી દીધી છે.

સૌથી નીચો વ્યાજ દર ઓફર

બેંકે રિટેલ લોન, હોમ લોન અને પર્સનલ લોન માટે બેંકિંગ ઉદ્યોગમાં સૌથી નીચા વ્યાજ દરોમાંની એક પણ ઓફર કરી છે. નિવેદનમાં કહેવામાં આવ્યું છે કે એક તરફ, વધતા નીતિગત દરોને અનુરૂપ વ્યાજ રેટ વધી રહ્યા છે, આવા સમયે, બેંક ઓફ મહારાષ્ટ્ર તહેવારોની સિઝનમાં ગ્રાહકોમાં ખુશી લાવવા માટે છૂટક લોન સસ્તી કરી રહી છે.