મોદી વાઇબ્રન્ટ ગુજરાતમાં નવી ઉદ્યોગ નીતિ જાહેર કરી શકે

Subscribe to Oneindia News
For Quick Alerts
ALLOW NOTIFICATIONS
For Daily Alerts

    ગાંધીનગર, 24 ડિસેમ્બર : દેશમાં ઔદ્યોગિક વિકાસની ગાડી ફુલ સ્પીડમાં દોડાવવા અને મહત્તમ રોજગારીની તકોનું સર્જન કરવા માટે આગામી વાઇબ્રન્ટ ગુજરાત ઇન્વેસ્ટર સમિટ 2015માં દેશના વડાપ્રધાન નરેન્દ્ર મોદી નવી ઔદ્યોગિક નીતિની જોહેરાત કરી શકે છે.

    મોદી તેમના ડ્રીમ પ્રોજેક્ટ 'મેક ઇન ઇન્ડિયા'ને ઉદ્યોગો માટે વધારે સાનુકૂળ બનાવવા માટે ભારતમાં કોઇ એક સ્થળે મેગા ઇન્ડસ્ટ્રીયલ પાર્ક બનાવવાનું વિચારી રહ્યા છે. આ પાર્કમાં ભારત સહિત વિશ્વભરની જાયન્ટ કંપનીઓ એક સમુહમાં મુખ્ય ઉદ્યોગોની સાથે તેને સંલગ્ન ઉદ્યોગો સ્થાપી શકે તેવી સંકલ્પના તૈયાર કરવામાં આવી છે. આ સંકલ્પનાને વાસ્તવિકતા બનાવવા ઔદ્યોગિક નીતિમાં ફેરફાર કરવામાં આવશે.

    આ અંગે અગ્રણી બિઝનેસ દૈનિક ઇકોનોમિક ટાઇમ્સમાં પ્રકાશિત અહેવાલ અનુસાર ગુજરાત માટે આ નવો વિચાર હોવાથી આવા પ્રકારના પ્રોજેક્ટ માટે કેવી છૂટછાટ આપવી કે લાભ આપવા તે અંગે વિચારણા ચાલી રહી છે. વર્તમાન સમયમાં ગુજરાત સરકારને વિદેશી કંપનીઓ સહિત જે કંપનીઓ ઉદ્યોગ વિભાગ પાસે દરખાસ્ત લઈને આવે છે તેમને સરકારી જમીન કે સરકાર દ્વારા જમીન નહીં અપાય તે સ્પષ્ટ કરી દેવામાં આ‌વી રહ્યું છે. આ માટે કેટલાક લઘુ કક્ષાના ઉદ્યોગો માટે જીઆઇડીસીના પ્લોટની હરાજી અને ફાળવણી પર વાઇબ્રન્ટ સમિટને ધ્યાનમાં રાખતાં બ્રેક લગાવી દેવામાં ‌આવી છે.

    companies-1

    સૂત્રોના જણાવ્યા મુજબ વિશ્વભરમાં હાજરી ધરાવતી કંપનીઓ પ્રથમવાર વાઇબ્રન્ટ સમિટમાં આવી રહી છે. અમેરિકાના ડેલિગેશનમાં જ અનેક કંપનીના સીઇઓ અને ડેલિગેટ્સ આવશે.

    આ સાથે ચીન, જાપાન, રશિયા, ઇંગ્લેન્ડ, નેધરલેન્ડ, કેનેડા, ઓસ્ટ્રેલિયા જેવા બિઝનેસમાં આગળ પડતા દેશની કંપનીઓના સીઇઓ આવીને ગુજરાતમાં ઉદ્યોગો સ્થાપવાની શક્યતા જોવાના છે. આવી કંપનીઓ તેમના પ્લાન્ટ સેંકડો એકરમાં અને મોટા પાયે સ્થાપે તે માટે તેમને વિશાળ જગ્યા અને ઇન્ફ્રાસ્ટ્રક્ચરની જરૂર પડવાની છે તે જોતાં મહાકાય વિસ્તારમાં તેમના પ્લાન્ટ હશે.

    સેઝ અને સરને બાદ કરીએ તો આવા જંગી સાહસ ગુજરાત માટે નવીન બાબત છે. ગુજરાતમાં આવવા ઇચ્છતી આવી કંપનીઓ માટે મેગા ઇન્ડસ્ટ્રિયલ પાર્કની સ્થાપના કરવી પડે તેમ છે. જોકે કંપનીઓ જ તે પાર્ક ઊભા કરશે પરંતુ તે માટે રાજ્ય સરકાર કેવી નીતિ રાખશે તે સ્પષ્ટ કરવી આવશ્યક હોવાથી જાન્યુઆરીમાં જાહેર થનારી નવી ઉદ્યોગનીતિમાં મેગા ઇન્ડસ્ટ્રિયલ પાર્ક માટે ખાસ જોગવાઈ કરવા માટે વિચારણા ચાલી રહી છે.

    આ જોગવાઇઓમાં પાર્કનું સંચાલન, જમીનની ખરીદી, મૂડીરોકાણ, પ્રોડક્ટ, પર્યાવરણીય મંજૂરી, લેબર, પાર્કનું સ્વરૂપ, મુખ્ય પ્રોડક્ટ ઉપરાંત અન્ય પ્રોડક્ટ કેવી હશે વગેરે તમામ બાબતો નક્કી કરવામાં આવશે. આ માટે સરકારે હાલ જે સ્થળે આવા પાર્ક સ્થપાયા છે તેનો પણ અભ્યાસ શરૂ કર્યો છે.

    અધિકારીના કહેવા મુજબ ગુજરાત માટે આ નવો અભિગમ છે. જેમાં એકસાથે અબજો રૂપિયાનું મૂડીરોકાણ આવે છે અને જંગી રોજગારી પણ મળે છે. તે માટે ઉદ્યોગ વિભાગ પણ વિશ્વમાં જાણીતી બ્રાન્ડ હોય તેવી કંપનીઓ ગુજરાતમાં તેમના પાર્ક લઈને આવે તો તેના પગલે અનેક બીજી કંપનીઓ પણ ભવિષ્યમાં આવી શકે છે.

    નોંધનીય છે કે ચીનની કંપનીઓ વડોદરા પાસે આવા મેગા ઇન્ડસ્ટ્રિયલ પાર્ક બનાવવા ઉત્સુક છે. આ માટે ઉદ્યોગ વિભાગ સમક્ષ દરખાસ્ત પણ કરવામાં આવી છે. તાઇવાનની એક કંપનીએ સાણંદ પાસે પાર્ક સ્થાપવા તૈયારી દર્શાવી છે. તો જાપાન દ્વારા પણ સાણંદમાં જ પાર્ક સ્થાપવા માટે દરખાસ્ત અપાઈ છે.

    આ ઉપરાંત ઓસ્ટ્રેલિયા અને સિંગાપોર આવા પાર્કની સ્થાપના માટે રાજ્યમાં કયા સ્થળની પસંદગી કરવી તે માટે સરકારનો અભિપ્રાય લઈ રહ્યા છે. જોકે ઉદ્યોગ વિભાગનો મુખ્ય મદાર અમેરિકા અને ઓસ્ટ્રેલિયાની જાયન્ટ કંપનીઓના સીઇઓ પીએમ સાથે મુલાકાત પછી ગુજરાત પર મેગા પાર્ક માટે પસંદગી ઉતારે છે કે કેમ તેની પર રહેલો છે.

    English summary
    PM Narendra Modi may announce new Industrial Policy for Mega Industrial Park in Vibrant Gujarat Summit.

    For Breaking News from Gujarati Oneindia
    Get instant news updates throughout the day.

    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more