કેપ્ટન કૂલ 'ધોની' બન્યો દેશનો સૌથી ધનિક ખેલાડી

નવી દિલ્હી, 25 જાન્યુઆરી: ફોર્બ્સ દ્રારા જાહેર કરવામાં આવેલી યાદી મુજબ ભારતીય ક્રિકેટર મહેન્દ્ર સિંહ ધોની ટોપ 100 સેલિબ્રેટીમાં દેશના સૌથી અમીર ખેલાડી છે. ફોર્બ્સે ભારતમાં સૌથી વધુ લોકપ્રિય અને સૌથી વધુ આવક રળનાર ટોપ 100 સેલેબ્રિટીની યાદી જાહેર કરી છે.

ભારતીય ક્રિકેટ ટીમના કેપ્ટન મહેન્દ્ર સિંહ ધોની 135.16 કરોડની કમાણી કરી ત્રીજા સ્થાન પર છે જ્યારે પ્રથમ સ્થાન પર બોલિવુડ અભિનેતા શાહરૂખ ખાને બાજી મારી લીધી છે. આ યાદી અનુસાર શાહરૂખ ખાને ઓક્ટોમ્બર 2011 થી સપ્ટેમ્બર 2012 સુધી કુલ 202.8 કરોડ રૂપિયાની કમાણી કરી લીધી છે જ્યારે સલમાન ખાને 144 કરોડની કમાણી કરી લીધી છે.

તાજેતરમાં વન-ડે ક્રિકેટમાંથી સંન્યાસ લેનાર માસ્ટર બ્લાસ્ટર સચિન તેન્ડુલકર પણ કમાણીમાંથી બાકાત નથી. બોલિવુડ સ્ટાર કરીના કપૂરે બાજી મારતાં સાતમું સ્થાન મેળવ્યું છે. વિરેન્દ્ર સહેવાગ 8મા સ્થાને જ્યારે વિરાટ કોહલી નવમા સ્થાન પર છે.

English summary

Indian cricket captain Mahendra Singh Dhoni has been named as the richest sportsperson in India as per the Forbes’ list of top 100 Indian celebrities.