હવે 5 કિલોના LPG સિલિન્ડર કરિયાણાની દુકાને મળશે
કોચી, 5 એપ્રિલ : એલપીજી ગેસ સિલિન્ડર હવે કરિયાણાની દુકાન પર મળી રહેશે. ઇન્ડિયન ઓઇલે હવે 5 કિલોગ્રામ વજનના એલપીજી સિલિન્ડર કરિયાણાની દુકાન અને સુપરમાર્કેટ પરથી ઉપલબ્ધ કરાવવાનો નિર્ણય કર્યો છે.
દેશની ઓઇલ કંપનીઓએ એલપીજી સિલિન્ડરનું વેચાણ પેટ્રોલ પંપો બાદ કરિયાણાની દુકાનો અને સુપરમાર્ટમાં પણ શરૂ કરવાનો નિર્ણય કર્યો છે. ઇન્ડિયન ઑઇલ કોર્પોરેશન એ બેંગલુરૂ, ચેન્નાઇ, ગોરખપુર, લખનઉ, અને અલીગઢથી તેની શરૂઆત કરી છે.
ભવિષ્યમાં અન્ય 50 શહેરમાં તેનું વેચાણ શરૂ કરાશે. આ સિલિન્ડર વાદળી રંગના હશે. જોકે તે માત્ર પાંચ કિલો એલપીજી ભરેલા હશે. તેની કિંમત 1600થી 1700 રૂપિયાની વચ્ચે હશે.
પહેલી વખત ગેસનો બાટલો ખરીદનાર ગ્રાહકોને ઓળખ પત્ર રજૂ કરવું પડશે. તેમને સિલિન્ડર અને રેગ્યુલેટરની કિંમતની સાથો સાથ એડમિનિસ્ટ્રેટિવ ફી પણ ચૂકવવી પડશે.
Click it and Unblock the Notifications
Sign in with Google
