PAN-Aadhaar Link : 30 જૂન પહેલા PAN-આધાર કાર્ડ કરી લો લિંક, નહીં તો ભરવો પડશે અધધ દંડ

PAN-Aadhaar Link : આવકવેરા વિભાગ લોકોને પોતાના પાન કાર્ડને તેમના આધાર કાર્ડ સાથે લિંક કરવા માટે સતત કહી રહ્યું છે. આ દસ્તાવેજોને જલ્દીથી લિંક કરવા ખૂબ જ જરૂરી છે. જો તમે PAN-Aadhaar Link 30 જૂન, 2023 સુધીમાં નહીં કરો, તો તમારું પાન કાર્ડ નિષ્ક્રિય થઈ જશે.

ઘણા PAN ધારકોની વસ્તી વિષયક વિગતો આધાર અને PAN વચ્ચે મેળ ખાતી નથી. આવકવેરા વિભાગે આ અંગે ટ્વિટ કર્યું છે. આવકવેરા વિભાગે ટ્વિટ કરીને માહિતી આપી છે કે, PAN ને આધાર સાથે લિંક કરતી વખતે, ઘણા PAN ધારકો વસ્તી વિષયક મિસમેચને લઈને ચિંતિત છે.

વિભાગે PAN અને આધારને સરળ રીતે લિંક કરવા માટે બાયોમેટ્રિક-આધારિત પ્રમાણીકરણની સુવિધા શરૂ કરી છે. PAN ધારકો PAN સર્વિસ પ્રોવાઇડર્સના કેન્દ્રોની મુલાકાત લઈને આ વિગતો સુધારી શકે છે.

દંડ કેવી રીતે ચૂકવવો

• સૌ પ્રથમ તમારે onlineservices.tin.egov-nsdl.com/etaxnew/tdsnontds.jsp પર જવું પડશે
• જે બાદ તમારે ચલણ નંબર / ITNS 280 ના વિભાગમાં ચાલુ રાખવાના વિકલ્પ પર ક્લિક કરવાનું રહેશે
• હવે તમારે કોર્પોરેશન ટેક્સ અથવા ઈન્કમ ટેક્સમાંથી કોઈપણ વિકલ્પ પસંદ કરવો પડશે
• જે બાદ તમારે પેમેન્ટ ટાઇપના વિકલ્પમાં અધર રિસિપ્ટ પર ક્લિક કરવાનું રહેશે
• તમે ચુકવણી મોડ પસંદ કરો
• જે બાદ તમે તમારો PAN નંબર દાખલ કરો અને મૂલ્યાંકન વર્ષ 2023-24 પસંદ કરો
• હવે તમારા ઘરનું સરનામું દાખલ કરો અને કેપ્ચા કોડ ભરો અને ચાલુ રાખો પર ક્લિક કરો
• એકવાર તમે ચુકવણી કરી લો, પછી તમે ઇ-ફાઇલિંગ પોર્ટલ પર PAN-આધાર લિંક વિનંતી સબમિટ કરી શકો છો

4-5 કામકાજના દિવસો પછી NSDL પોર્ટલ પર ફી ચૂકવી શકાય છે. આધાર લિંક કરવાની છેલ્લી તારીખ 30 જૂન, 2023 નક્કી કરવામાં આવી છે. તમારે 30 જૂન, 2023 સુધી 1000 રૂપિયાની ફી ચૂકવવી પડશે.

જો આધાર લિંક નહીં થાય તો શું થશે?

• સૌથી પહેલા તમારું PAN કાર્ડ નિષ્ક્રિય થઈ જશે. તમે તેનો દસ્તાવેજ તરીકે ઉપયોગ કરી શકશો નહીં.
• તમને કોઈપણ બાકી ટેક્સ રિફંડ અથવા રિફંડ પર વ્યાજ મળશે નહીં.
• તમારો TDS દર વધશે. જેથી તમારે ઊંચા દરે TDS ચૂકવવો પડશે.

English summary

PAN-Aadhaar Link : Link PAN-Aadhaar card before June 30, otherwise you will have to pay huge penalty