મોટી રાહતઃ પેટ્રોલ અને ડીઝલ થયાં એકદમ સસ્તાં

અમદાવાદઃ આજે પણ પેટ્રોલ અને ડીઝલમાં નાગરિકોને રાહત મળી છે. અમદાવાદમાં આજે પેટ્રોલની કિંમતમાં 24 પૈસા પ્રતિ લીટરે ભાવ ઘટાડો નોંધાયો છે જ્યારે ડીઝલમાં 23 પૈસા પ્રતિ લીટરે ભાવ ઘટાડો નોંધાયો છે. નવી કિંમતો લાગૂ થયા બાદ અમદાવાદમાં આજે પેટ્રોલ 70.73 રૂપિયા પ્રતિ લીટરે અને ડીઝલ 69.43 રૂપિયા પ્રતિ લીટરે મળી રહ્યું છે. સરકારી ઓઈલ કંપનીઓ કિંમતોની સીક્ષા કર્યા બાદ દરરોજ પેટ્રોલ અને ડીઝલના રેટ નક્કી કરે છે. ઈન્ડિયન ઓઈલ, ભારત પેટ્રોલિયમ અને હિન્દુસ્તાન પેટ્રોલિયમ દૈનિક આધાર પર 6 વાગ્યેથી પેટ્રોલના રેટ અને ડીઝલના રેટમાં સંશોધન કરે છે, અને જાહેર કરે છે.

દિલ્હીમાં શું છે રેટ જાણો

દેશની રાજધાની દિલ્હીમાં પણ આજે પેટ્રોલ અને ડીઝલ સસ્તાં થયાં. દિલ્હીમાં આજે પેટ્રોલની કિંમતમાં 24 પૈસા જ્યારે ડીઝલની કિંમતમાં 22 પૈસાનો ભાવ ઘટાડો નોંધાયો છે. નવી કિંમતો લાગૂ થયા બાદ દિલ્હીમાં આજે પેટ્રોલ 73.36 રૂપિયા પ્રતિ લીટરે જ્યારે ડીઝલ 66.36 રૂપિયા પ્રતિ લીટરે મળી રહ્યું છે.

આ આધારે નક્કી થાય છે કિંમત

વિદેશી મુદ્રા દરોની સાથે આંતરરાષ્ટ્રીય બજારમાં ક્રૂડની કિંમતો શું છે, આ આધાર પર રોજ પેટ્રોલ અને ડીઝલની કિંમતોમાં બદલાવ થાય છે. આ માપદંડોના આધારે જ પેટ્રોલના રેટ અને ડીઝલના રેટ રોજ નક્કી કરવાનું ઓઈલ કંપનીઓ કામ કરે છે.

પેટ્રોલમાં કેટલો ટેક્સ કપાય

છૂટક વેચાણ થતા પેટ્રોલ અને ડીઝલ માટે જેટલી રકમની તમે ચૂકવણી કરે છે, તેમાં તમે 55.5 ટકા પેટ્રેલ માટે અને 47.3 ટકા ડીઝલ માટે તમે ટેક્સ ચૂકવી રહ્યા હોવ છો.