હવે ચાંદીના દાગીના પર પણ મળશે લોન, જાણો તમામ વિગતો
ભારતીય રિઝર્વ બેંકે (RBI) ચાંદીના દાગીના અને સિક્કા પર લોન આપવા અંગે એક મહત્વપૂર્ણ નિર્ણય લીધો છે. અત્યાર સુધી માત્ર સોના પર લોન મળતી હતી, પરંતુ હવે 1 એપ્રિલ 2026 થી ચાંદી પર પણ લોન લઈ શકાશે. આ નિર્ણય ખાસ કરીને ગ્રામીણ અને નાના શહેરોના લોકોને લાભદાયી થશે, જ્યાં સોના કરતાં ચાંદીનો ઉપયોગ વધુ પ્રચલિત છે.
આ નવા નિયમ હેઠળ, બેંકો અને નોન-બેંકિંગ ફાઇનાન્સિયલ કંપનીઓ (NBFCs) ચાંદીના ઘરેણાં અને સિક્કાના બદલામાં લોન આપશે. આનાથી લોકોને તાત્કાલિક આર્થિક જરૂરિયાતો પૂરી કરવામાં મદદ મળશે. RBIના આ નિર્ણયને કારણે ચાંદી પણ હવે જરૂરિયાતના સમયે સોનાની જેમ જ ગેરંટી તરીકે કામ કરી શકશે.
અગાઉ RBI ફક્ત સોનાના દાગીના અથવા સિક્કા પર જ લોન આપતી હતી. જો કે, રિઝર્વ બેંક ઓફ ઇન્ડિયા (ગોલ્ડ એન્ડ સિલ્વર (લોન્સ) ડાયરેક્શન્સ, 2025) હેઠળ ચાંદીનો પણ સમાવેશ કરવામાં આવ્યો છે. પરંતુ બજારમાં સટ્ટાખોરીને રોકવા માટે શુદ્ધ ચાંદી (બુલિયન) અથવા ચાંદીના સળિયા પર લોન ઉપલબ્ધ રહેશે નહીં.
આ નવા નિયમો 1 એપ્રિલ 2026 થી અમલમાં આવશે, જેનો અર્થ છે કે આગામી વર્ષથી ચાંદી પણ લોન માટે કાયદેસર રીતે ગીરવે મૂકી શકાશે. RBI એ એવી સંસ્થાઓની યાદી પણ જાહેર કરી છે જે ચાંદી સામે લોન આપી શકશે. આમાં કોમર્શિયલ બેંકો, સ્મોલ ફાઇનાન્સ અને રિજનલ રૂરલ બેંકો, અર્બન અને રૂરલ કો-ઓપરેટિવ બેંકો, નોન-બેંકિંગ ફાઇનાન્સ કંપનીઓ (NBFCs) અને હાઉસિંગ ફાઇનાન્સ કંપનીઓનો સમાવેશ થાય છે.
RBI એ લોન માટે ગીરવે મૂકી શકાય તેવા સોના અને ચાંદીની મહત્તમ મર્યાદા પણ નક્કી કરી છે. સોનાના દાગીના માટે 1 કિલો અને ચાંદીના દાગીના માટે 10 કિલો સુધીની મર્યાદા છે. સોનાના સિક્કા માટે 50 ગ્રામ અને ચાંદીના સિક્કા માટે 500 ગ્રામ સુધીની મર્યાદા નક્કી કરવામાં આવી છે. આનાથી વધુ વજન પર લોન મળશે નહીં.
લોન-ટુ-વેલ્યુ (LTV) રેશિયો પણ નક્કી કરવામાં આવ્યો છે. 2.5 લાખ સુધીની લોન પર 85% સુધી, 2.5 લાખથી 5 લાખ સુધીની લોન પર 80% સુધી, અને 5 લાખથી વધુની લોન પર 75% સુધી લોન મળી શકશે. ઉદાહરણ તરીકે, જો તમારી પાસે 1 લાખની કિંમતની ચાંદી હોય, તો તમને 85,000 સુધીની લોન મળી શકશે.
-
બિહારના નાલંદામાં શીતળા માતા મંદિરમાં નાસભાગ, 8 મહિલાઓના મોત -
અમેરિકાની જીદ ભારત સહિત આ દેશોને ભોગવવી પડશે? અર્થતંત્ર ખાડામાં જવાની ચેતવણી -
પાદરાનો ગંભીરા બ્રિજ 8 મહિના બાદ વાહન વ્યવહાર માટે ખુલ્લો મુકાશે -
31 માર્ચે મેટ્રો અમદાવાદ મેટ્રોના સમયમાં ફેરફાર, અત્યારે જ જાણી લો નવુ ટાઈમ ટેબલ -
વાતચીતની ચર્ચા વચ્ચે ટ્રમ્પ ઈરાન સાથે દગો કરી રહ્યા છે? જાણો કેવી રીતે? -
મોંઘવારી વચ્ચે હવે ટોલ ટેક્સ વધારાનો માર, 1 એપ્રિલથી વધી જશે -
ગુજરાતમાં વાતાવરણમાં પલટો, અમરેલી પંથકમાં માવઠુ -
ગુજરાત પર એક સાથે ત્રણ સિસ્ટમ સક્રિય, આગામી 5 દિવસ માવઠા માટે તૈયાર રહો -
સુરત મેટ્રોમાં મોટી સફળતા: 8.5 કિમી એલિવેટેડ કોરિડોર પર ટ્રાયલ રન શરૂ -
VerSe ઇનોવેશને પી.આર. રમેશની સ્વતંત્ર ડિરેક્ટર અને ઓડિટ સમિતિના અધ્યક્ષ તરીકે નિમણૂક કરી -
અમદાવાદ એરપોર્ટ પર મહિલા મુસાફર પાસેથી 83 લાખનું સોનું ઝડપાયું -
5 રાજ્યોની ચૂંટણી ભાજપ માટે સત્તાનો જંગ કે ભવિષ્યનો રોડમેપ?
Click it and Unblock the Notifications
Sign in with Google
