રિલાયન્સ (RIL) શેર ધડામ, અગ્રણી બ્રોકરેજ ફર્મ્સ કઈ રીતે જુએ છે આ ઘટાડાને?
શુક્રવારે દિગ્ગજ કંપની રિલાયન્સ ઈન્ડસ્ટ્રી (RIL) ના શેરમાં પણ ઘટાડો જોવા મળ્યો હતો. શુક્રવારે માર્કેટ ખુલ્યા પછી રિલાયન્સ ઈન્ડસ્ટ્રીઝ (Reliance Industries)ના શેર 4% ગગળ્યા હતા. જો કે પ્રેસિડેન્ટ ડોનાલ્ડ ટ્રમ્પના ટેરિફની ઘોષણા પછી વૈશ્વિક શેર બજારમાં કડાકો થયો હતો. અનેક કંપનીઓના શેર નેગેટિવ ટ્રેડ કરી રહ્યા હતા. જેમાંનો એક શેર રિલાયન્સ ઈન્ડસ્ટ્રીઝનો પણ છે.
ઉલ્લેખનીય છે રિલાયન્સનો શેર માર્કેટ ખુલ્યું ત્યારે 1240 રૂપિયાએ ખુલ્યો હતો અને અંતે ઈન્ટ્રાડે લૉ 1192.85 રૂપિયાએ બંધ થયો હતો. Reliance Stock તેના 52 અઠવાડિયાના નીચલા સ્તર 1156ની એકદમ નજીક છે, 3 માર્ચ 2025ના રોજ 52 અઠવાડિયાના નીચલા સ્તરે રિલાયન્સ શેર ટ્રેડ કરી રહ્યો હતો.
છેલ્લા 5 દિવસમાં રિલાયન્સ શેરમાં 6.35% જેટલો ઘટાડો નોંધાયો છે. છેલ્લા 6 મહિનામાં રિલાયન્સ શેર 13.46% જેટલો ઘટ્યો છે અને છેલ્લા એક વર્ષમાં રિલાયન્સ શેરમાં 17.98% નો ઘટાડો નોંધાયો છે. આમ રિલાયન્સ શેર ગગળતાં મુકેશ અંબાણીની નેટ વર્થમાં પણ ઘટાડો જોવા મળ્યો છે. તાજેતરની ફોર્બ્સની વૈશ્વિક બિલિયનર્સની યાદીમાંથી મુકેશ અંબાણી ટૉપ 10થી બહાર થઇ ગયા છે.
ગયા વર્ષે મુકેશ અંબાણીની નેટ વર્થ 116 બિલિયન ડોલર હતી જે આ વર્ષે ઘટીને 92.5 બિલિયન ડૉલર થઇ ગઇ છે. ફોર્બ્સની બિલિયનર્સની યાદીમાં મુકેશ અંબાણી અત્યારે 18મા ક્રમે છે, જ્યારે વિશ્વના અમુક બિલિયનર્સની સંપત્તિમાં વધારો થયો પણ જોવા મળ્યો છે.
રિલાયન્સ પર બ્રોકરેજ ફર્મ્સનો દૃષ્ટિકોણ
રિલાયન્સ ટૂંક સમયમાં જ ક્વાર્ટર 4નું રિઝલ્ટ જાહેર કરશે ત્યારે કેટલાક બ્રોકરેજ ફર્મ્સે રિલાયન્સ કંપનીના ભવિષ્ય પર પોતાનો દૃષ્ટિકોણ રજૂ કર્યો છે.
Goldman Sachs બ્રોકરેજ ફર્મે કંપનીના ક્વાર્ટર 4માં સ્ટેબલ આવકની અપેક્ષા રાખી રિલાયન્સ ઈન્ડસ્ટ્રીઝના શેર ખરીદવાની ભલામણ કરી છે. બ્રોકરેજ ફર્મને અંદાજો છે કે રિલાયન્સનો રિટેઇલ બિઝનેસ YoY 6.5% જેટલો વધી શકે છે, જ્યારે જિયો રેવન્યૂ QoQ 4% જેટલો વધી શકે છે. આ ઉપરાંત તેમણે 2026માં રિલાયન્સની આવકમાં 18% ના ઉછાળાની આગાહી કરી છે. બ્રોકરેજ માને છે કે રોકાણકારો FY26માં રિટેલ ગ્રોથ માટે RILના માર્ગદર્શન પર ધ્યાન કેન્દ્રિત કરશે, તેની સાથે તેના નવા એનર્જી પ્રોજેક્ટ્સ પર અપડેટ્સ આવશે.
મેક્વેરી, જેણે અગાઉ રિલાયન્સ ઇન્ડસ્ટ્રીઝ લિમિટેડ (RIL) પર સાવચેતીભર્યું દ્રષ્ટિકોણ અપનાવ્યું હતું, તે હવે વધુ સકારાત્મક દૃષ્ટિકોણ તરફ વળ્યું છે. બ્રોકરેજને અપેક્ષા છે કે RIL ની કમાણી FY25 થી FY27 દરમિયાન 15-16% ના ચક્રવૃદ્ધિ વાર્ષિક વૃદ્ધિ દર (CAGR) થી વધશે. આ FY23 થી FY25 માટે અગાઉના અંદાજિત 2% ના સામાન્ય CAGR ની તુલનામાં નોંધપાત્ર વધારો દર્શાવે છે.
મેક્વેરીએ રિલાયન્સ ઇન્ડસ્ટ્રીઝ લિમિટેડ (RIL) માટે તેના ભાવ લક્ષ્યાંકને વધારીને રૂ. 1,500 કર્યો છે. કંપનીના માળખામાં સંભવિત સ્પિન-ઓફને ધ્યાનમાં લેતા, બ્રોકરેજ ફર્મ હવે RILનું મૂલ્યાંકન સમ-ઓફ-ધ-પાર્ટ્સ (SOTP) મોડેલનો ઉપયોગ કરીને કરે છે. મેક્વેરી જિયો, રિટેલ અને ઊર્જા ક્ષેત્રમાંથી વૃદ્ધિની અપેક્ષા રાખે છે.
JPMorgan એ રિલાયન્સ ઇન્ડસ્ટ્રીઝ લિમિટેડ (RIL) ના આંતરરાષ્ટ્રીય બોન્ડ્સ પર ધ્યાન કેન્દ્રિત કરીને તેની વ્યૂહરચના બદલી છે. નાણાકીય સંસ્થાએ RIL ના 2032 અને 2045 ના બોન્ડ્સને "ઓવરવેઇટ" માં અપગ્રેડ કર્યા છે. આ નિર્ણય RIL ની મજબૂત નાણાકીય સ્થિતિ, નોંધપાત્ર પ્રવાહિતા અને સારી રીતે વૈવિધ્યસભર વ્યવસાય મોડેલ પર આધારિત છે.
JPMorgan એ વાત પર ભાર મૂક્યો છે કે સરકાર સાથે ગેસ વિવાદ સહિત વર્તમાન કાનૂની પડકારો રિલાયન્સ ઇન્ડસ્ટ્રીઝ લિમિટેડ (RIL) ના એકંદર નાણાકીય પ્રદર્શનને નોંધપાત્ર રીતે અસર કરે તેવી શક્યતા નથી. બ્રોકરેજએ વધુમાં નોંધ્યું છે કે આ કાનૂની અનિશ્ચિતતાઓને કારણે બોન્ડના ભાવમાં કોઈપણ પ્રતિકૂળ હિલચાલ રોકાણકારો માટે ખરીદીની તકો ઉભી કરી શકે છે.
Click it and Unblock the Notifications
Sign in with Google
